dē Marcō Sextōque
quis est Marcus? 
Marcus Maecēnās est vir nōtus. Marcus in vīllā Pompēiīs habitat. vīlla est māgna et māgnīfica.
Marcus multam pecūniam in vīllā habet. Marcus est dīves! Marcus quoque multōs amīcōs habet. ille quoque multam potentiam habet. Marcus tamen plūs pecūniae vult. Marcus quoque plūs potentiae vult.
Marcus Maecēnās quoque est senex. Marcus multōs annōs nātus est. Marcus multōs capillōs nōn habet. Marcus est paene calvus! Marcus saepe togam candidam gerit.
ille quoque Societātem Potentium dūcit. Marcus est dūx clārus. Societās Potentium Lapidem cupit.
Sextus Marcō nōn placet. Sextus est inimīcus.
quis est Sextus? 
Sextus Aemiliānus est vir nitidus. lux ā Sextō vēnit. Sextus lūcet. est mīrābile! sed sōlum Recentiī lūcem ā Sextō venientem vident. nēmo aliud lūcem videt.
Sextus quoque in vīllā māgnā Pompēiīs habitat. fortasse Sextus multam pecūniam habet. fortasse Sextus multam potentiam habet.
Sextus Aemiliānus est senex. Sextus multōs annōs natus est. ille capillōs in capite nōn habet. Sextus est calvus! circum caput, Sextus corōnam hederae gerit. saepe togam candidam gerit.
ille Mīlitēs Lapidis dūcit. Sextus quoque est dūx clārus. Mīlitēs Lapidis populum et Lapidem servant. Marcus Sextō nōn placet quod Marcus potentiam vult.
Sextus saepe auxilium Recentiīs dat.