Bellātor clāmat, "ō Tiberī! nōs Recentiī hīc sumus! dīc servō tuō, 'necesse est Recentiīs intrāre permittere!'"

puer in ātriō venit ad portam. vir quoque venit. vir stat prope puerum. manū caput puerī tangit.

"estnē Bellātor?" inquit puer. "estne Octāviāna?" puer rīdet, spectat ad virum. "ō pater, hī iuvenēs Recentiī sunt! Octāviana et Bellātor amīcī meī sunt!" Tiberius spectat ad Recentiōs. "ō Recentiī, hic vir meus pater est, nōmine Caecilius."

Caecilius ad Recentiōs ambulat. stat prope servum in portā. tunc Caecilius lentē iānuam aperit. in ātriō est coquus Euphorbus. Euphorbus spectat ad Octāviānam et Bellātōrem, et rīdet.

 quōmodo Octāviāna respondet?