C. Sallustius Crispus, Bellum Catilinae 7.1–4
Sallust describes how, once free from kings, every Roman began to excel and display his talents openly — for kings always distrust the virtuous more than the wicked; with liberty secured, the state grew in strength with remarkable speed, fired by a passion for glory, and the youth trained hard in military camps, preferring fine weapons and war-horses to prostitutes and dinner parties.
Tier 1
Sed eo tempore omnes coeperunt se extollere magis et saepius demonstrare ingenium suum.
Nam, regibus, boni viri tam suspecti quam mali et virtus aliena semper horribilis est regibus.
Sed, libertate secura, incredibile est memoratu brevi civitas quantum fortiorem se fecerit: tanta cupido gloriae in civitatem advenerat.
Tunc, cum iuventus paratus bello erat, iuventus discebat per laborem usum militiae in castris et delectantur magis decoris armis et militaribus equis quam a feminis emptis et cenis.
Tier 2
Sed ea tempestate quisque coeperunt se extollere magis magisque habere ingenium in promptu.
Nam regibus boni suspectiores sunt quam mali semperque iis aliena virtus formidulosa est.
Sed, adepta libertate, civitas incredibile est memoratu quantum brevi creverit: tanta cupido gloriae incesserat.
Iam, primum, iuventus simul ac patiens belli erat, per laborem usum militiae in castris discebat habebantque lubidinem magis in decoris armis et militaribus equis quam in scortis atque conviviis.
Segmented Reader
Sed ea tempestate
coepere se quisque magis extollere
magisque ingenium
in promptu habere.
Nam
regibus
boni quam mali suspectiores sunt
semperque
iis
aliena virtus
formidulosa est.
Sed civitas incredibile memoratu est,
adepta libertate,
quantum brevi creverit:
tanta cupido gloriae incesserat.
Iam primum
iuventus,
simul ac belli patiens erat,
in castris per laborem
usum militiae discebat
magisque in decoris armis et militaribus equis
quam in scortis atque conviviis
lubidinem habebant.
Liber Ipse
Sed ea tempestate coepere se quisque magis extollere magisque ingenium in promptu habere. Nam regibus boni quam mali suspectiores sunt semperque iis aliena virtus formidulosa est. Sed civitas incredibile memoratu est, adepta libertate, quantum brevi creverit: tanta cupido gloriae incesserat. Iam primum iuventus, simul ac belli patiens erat, in castris per laborem usum militiae discebat magisque in decoris armis et militaribus equis quam in scortis atque conviviis lubidinem habebant.
Written by Robert Amstutz