Omnia magna quae viri faciunt, ex virtute veniunt.

Sed multi mortales qui indocti et inculti sunt, se dederunt ventri et somno, et vitam transierunt sicuti viatores,

viatores quibus corpus placet et anima onus fuit.

Ego vitam mortemque eorum virorum aeque aestimo, quoniam nemo de vita et morte aliquid dicit. Sed solus is mihi videtur vivere et frui anima, qui famam quaerit, aut nobile facto, aut arte bona.

Sed in multis laboribus natura itinera varia hominibus variis ostendit.

Omnia quae homines arant, navigant, aedificant virtuti parent.

Sed multi mortales indocti incultique, dediti ventri atque somno, sicuti peregrinantes vitam transierunt;

quibus (viris) profecto corpus voluptati, anima oneri fuit, contra naturam.

Ego vitam mortemque eorum iuxta aestimo, quoniam siletur de utraque. Verum enim is demum vivere atque frui anima vero mihi videtur, qui, intentus aliquo negotio, famam praeclari facinoris aut artis bonae quaerit.

Sed in magna copia rerum natura iter aliud alii ostendit.

Quae homines arant, navigant, aedificant,

virtuti omnia parent.

Sed multi mortales,

dediti ventri atque somno,

indocti incultique

vitam sicuti peregrinantes transiere;

quibus profecto

contra naturam

corpus voluptati, anima oneri fuit.

Eorum ego vitam mortemque

iuxta aestimo,

quoniam de utraque siletur.

Verum enim vero

is demum mihi vivere atque frui anima videtur,

qui

aliquo negotio intentus

praeclari facinoris

aut artis bonae famam quaerit.

Sed in magna copia rerum

aliud alii natura iter ostendit.

Quae homines arant, navigant, aedificant, virtuti omnia parent. Sed multi mortales, dediti ventri atque somno, indocti incultique vitam sicuti peregrinantes transiere; quibus profecto contra naturam corpus voluptati, anima oneri fuit. Eorum ego vitam mortemque iuxta aestumo, quoniam de utraque siletur. Verum enim vero is demum mihi vivere atque frui anima videtur, qui aliquo negotio intentus praeclari facinoris aut artis bonae famam quaerit. Sed in magna copia rerum aliud alii natura iter ostendit.