P. Vergilius Maro, Aeneid 12.945–952
The closing lines of the Aeneid. Aenēās, having seen the sword-belt of Pallās on the shoulder of Turnus, abandons his hesitation and delivers the final blow.
Tier 1
Aenēās cingulum Pallantis vīdit. memoria dolōris eum accendit. īra terribilis eum cēpit. dīxit:
“tu spolia amīcī meī geris. effugere vīs? Pallās tē hōc vulnere interficit. Pallās poenam sūmit.”
haec dīxit. tum ferrum in pectus Turnī condidit. membra Turnī frīgēscēbant. vīta cum clāmōre sub umbrās fūgit.
Tier 2
ille postquam oculīs spolia saevī dolōris vīdit, īrā accēnsus et terribilis dīxit:
“tu spolia meōrum geris. ā mē effugere vīs? Pallās tē hōc vulnere, Pallās immolat et poenam ex sanguine sūmit.”
hoc dīcēns ārdens ferrum adversō sub pectore condit; at illī membra frīgēscunt vītāque cum gemitū sub umbrās fugit.
Tier 3
ille postquam oculīs monimenta saevī dolōris exuviāsque hausit, furiīs accēnsus et īrā terribilis [Aenēās inquit]:
“tūne hinc spoliīs indūte meōrum ēripiāre mihi? Pallās tē hōc vulnere, Pallās immolat et poenam ex sanguine scelerātō sūmit.”
hoc dīcēns fervidus ferrum adversō sub pectore condit; ast illī membra frīgore solvuntur vītāque cum gemitū indignāta sub umbrās fugit.
Tier 4 - Carmen Ipsum
- ille, oculīs postquam saevī monimenta dolōris
- exuviāsque hausit, furiīs accēnsus et īrā
- terribilis: 'tūne hinc spoliīs indūte meōrum
- ēripiāre mihi? Pallās tē hōc vulnere, Pallās
- immolat et poenam scelerātō ex sanguine sūmit.'
- hoc dīcēns ferrum adversō sub pectore condit
- fervidus; ast illī solvuntur frīgore membra
- vītāque cum gemitū fugit indignāta sub umbrās.
Tier 4 - Carmen Ipsum (AP Core Vocabulary)
- ille, oculīs postquam saevī monimenta dolōris
- exuviāsque hausit, furiīs accēnsus et īrā
- terribilis: 'tūne hinc spoliīs indūte meōrum
- ēripiāre mihi? Pallās tē hōc vulnere, Pallās
- immolat et poenam scelerātō ex sanguine sūmit.'
- hoc dīcēns ferrum adversō sub pectore condit
- fervidus; ast illī solvuntur frīgore membra
- vītāque cum gemitū fugit indignāta sub umbrās.
