Marcus Valerius Martialis, Epigrammata 6.64.16-32
Martial sarcastically dismisses the critic's supposed intelligence, comparing him to offal carried through the streets by a butcher, warns that any mark his own anger leaves on the critic will be indelible even by the skilled Cinnamus, and closes with a vivid warning not to provoke a bear that, however gentle, will turn fierce when roused by pain and just anger.
Tier 1
Sed fortasse plus mentis tibi est, fortasse Minerva limante (polishing) est cor acrius tibi et tenues Athenae finxerunt pectus tuum.
Sim mortuus, si illud animal non altius multo sapit quam tu, animal quod crudelis lanius (vir qui animal mortuum in carnem secat) portat per omnes trivias cum visceris apertis et cum pede magno et rubro pulmone, animal nasis timendum.
Tu etiam audes scribere versus parvos contra me, versus quos nemo noverit, et perdere miseras chartas.
Sed si ardor bilis meae fecerit (ali)quam notam tibi, nota vivet et haerebit et legetur in omnibus terris, nec Cinnamus docta arte delebit stigmata.
Sed miserere tui, et nolle tangere nasum vivi ursi, nasum qui flamam spirat, nec mortuus sis rabido ore.
Licet is sit pacidus lambat et digitos et manos, si dolor et bilis eum coegerint, si iusta ira eum coegerit, ursus ferox erit: tu fatiges dentes tuos in vacua pelle et tu quaeras tacitam carnem, quam tu possis mandere.
Tier 2
Sed plus mentis tibi, Minerva limante cor acrius tibi et tenues Athenae finxerunt pectus.
Ne valeam, si illud non altius multo sapit, quod cum planticibus laxis et cum pede grandi et rubro pulmone timendumque nasis crudelis lanius portat per omnia compita.
Audes praeterea scribere versiculos, quos nullus noverit, in me et perdere miseras chartas.
At si ardor bilis nostrae quid tibi inusserit, vivet et haerebit legeturque in toto orbe, nec Cinnamus vafra arte delebit stigmata.
Sed miserere tui, nec temptaveris fumantem nasum vivi ursi perditus rabido ore.
Licet sit placidus et lambat digitosque manosque, si dolor et bilis, si iusta ira coegerit, ursus erit: fatiges dentes in vacua pelle et quaeras tacitam carnem, quam possis rodere.
Tier 3 - Carmen Ipsum
- Sed tibi plus mentis, tibi cor limante Minerva
- acrius et tenues finxerunt pectus Athenae.
- Ne valeam, si non multo sapit altius illud,
- quod cum panticibus laxis et cum pede grandi
- et rubro pulmone vetus nasisque timendum
- omnia crudelis lanius per compita portat.
- Audes praeterea, quos nullus noverit, in me
- scribere versiculos miseras et perdere chartas.
- At si quid nostrae tibi bilis inusserit ardor,
- vivet et haerebit totoque legetur in orbe,
- stigmata nec vafra delebit Cinnamus arte.
- Sed miserere tui, rabido nec perditus ore
- fumantem nasum vivi temptaveris ursi.
- Sit placidus licet et lambat digitosque manusque,
- si dolor et bilis, si iusta coegerit ira,
- ursus erit: vacua dentes in pelle fatiget
- et tacitam quaeras, quam possis rodere, carnem.
Written by Robert Amstutz