Marcus Valerius Martialis, Epigrammata 1.41
Martial deflates the pretensions of Caecilius, who fancies himself a wit, by comparing him to a series of low urban types such as street vendors, sausage cooks, and disreputable performers, and concludes that thinking oneself funny does not make one the next Gabba or Tettius Caballus — without a real sense of humor one is not a wit but a fool.
Tier 1
Caecili, tu putas te esse urbanum: non es, crede mihi. Quid tu es ergo?
Vir qui habitat in loco, tu es similis Transtiberino ambulatori qui permutat (exchanges) pallentia sulphurata (matches) fractis vitreis (glass),
Tu es similis viro qui vendit humidum cicer hominibus qui nihil agunt, tu es similis viro qui est custos et dominus viperarum, tu es similis viro qui est servus vilis virorum qui pisces in sale vendit,
Tu es similis rauco coco qui portat tomacla (sausages) tepidis popinis (food shop), tu es similis pessimo poetae urbici, aut improbo magistro de Gadibus, aut tu es similis dicaci ori antiqui cinaedi.
Ergo iam desine videri tibi, quod videris tibi soli, Caecili, tu qui posses vincere Gabbam et Tettium Caballum ipsum iocosis tuis.
Non omnes habent nasum: qui ludit stulte non est Tettius ille, sed asinus.
Tier 2
Caecili, videris tibi urbanus: non es, crede mihi. Quid ergo?
Verna, hoc quod Transtiberinus ambulator qui permutat pallentia sulphurata fractis vitreis,
quod qui vendit madidum cicer otiosae coronae, quod custos dominusque viperarum, quod viles pueri salariorum,
quod raucus cocus qui circumfert fumantia tomacla tepidis popinis, quod non optimus urbicus poeta,
quod improbus magister de Gadibus, quod est bucca dicax vetuli cinaedi.
Quare iam desine videri tibi, quod videris tibi soli, Caecili, qui posses vincere Gabbam et Tettium Caballum ipsum salibus.
Non datum est cuicumque habere nasum: qui ludit stolida procacitate non est Tettius ille, sed caballus.
Tier 3 - Carmen Ipsum
- Urbanus tibi, Caecili, videris:
- non es, crede mihi. Quid ergo? verna,
- hoc quod Transtiberinus ambulator
- qui pallentia sulphurata fractis
- permutat vitreis, quod otiosae
- vendit qui madidum cicer coronae,
- quod custos dominusque viperarum,
- quod viles pueri salariorum,
- quod fumantia qui tomacla raucus
- circumfert tepidis cocus popinis,
- quod non optimus urbicus poeta,
- quod de Gadibus improbus magister,
- quod bucca est vetuli dicax cinaedi.
- Quare desine iam tibi videri,
- quod soli tibi, Caecili, videris,
- qui Gabbam salibus tuis et ipsum
- posses vincere Tettium Caballum.
- Non cuicumque datum est habere nasum:
- ludit qui stolida procacitate,
- non est Tettius ille, sed caballus.
Written by Robert Amstutz