Quem deum populus civitatis vocet rebus ruentis (when everything is falling apart)? Qua prece virgines sanctae vocent Vestam quae non audit preces eorum?

Cui Iuppiter dabit officium expiandi (of atoning for) scelus nostrum? Rogamus tandem (at last) venias Apollo et nubes tegat claros umeros tuos,

Sive tu vis, Venus ridens, circum quam Iocus et Cupido volant, sive pater (Mars) respicis neglectum genus et nepotes (descendants),

Heu o Mars satiate nimis longo bello, tu cui clamor et galeae leves (polished helms) placent, et acra facies in hostem saguineum Mauri peditis,

Sive tu Mercuri, filius almae Maiae, figura tua mutata tu imitaris iuvenem in terris, patiens vocari ultor Caesaris (an avenger of Caesar- so Octavian).

Quem divum populus imperi vocet rebus ruentis? Qua prece virgines sanctae fatigent Vestam minus audientem carmina?

Cui Iuppiter dabit partes expiandi scelus? Precamur tandem venias augur Apollo amictus candentes umeros nube,

sive tu mavis, ridens Erycina quam Iocus et Cupido circumvolat, sive respicis, auctor, neglectum genus et nepotes,

heu satiate nimis longo ludo, quem clamor galeaeque leves iuvat, et acer voltus in hostem cruentum Mauri peditis,

sive ales filius almae Maiae, figura mutata imitaris iuvenem in terris, patiens vocari ultor Caesaris.

25. Quem vocet divum populus ruentis
26. imperi rebus? Prece qua fatigent
27. virgines sanctae minus audientem
28. carmina Vestam?
29. Cui dabit partis scelus expiandi
30. Iuppiter? Tandem venias precamur,
31. nube candentis umeros amictus,
32. augur Apollo,
33. sive tu mavis, Erycina ridens,
34. quam Iocus circumvolat et Cupido,
35. sive neglectum genus et nepotes
36. respicis, auctor,
37. heu nimis longo satiate ludo,
38. quem iuvat clamor galeaeque leves,
39. acer et Mauri peditis cruentum
40. voltus in hostem,
41. sive mutata iuvenem figura
42. ales in terris imitaris, almae
43. filius Maiae, patiens vocari
44. Caesaris ultor.