Quintus Horatius Flaccus, Satirae 1.6.89-99
Horace declares that he has no regrets about his father and will not defend himself as many do by blaming fate for their humble origins, arguing that if nature allowed one to choose one's own parents he would not choose men of high rank and power, since he has never been accustomed to carrying a burdensome load and would not wish to take one up.
Tier 1
Non sanus sum si non placet mihi habere patrem huius generis, et non me defendam in eo modo sic, ut magna pars dicit eos non esse sine parentibus claris consilio suo.
Et vox et ratio mea est valde dissimilis istis. Nam si natura, a certis annis, iuberet nos revenire ad tempus prius et legere alios parentes quosque, contentus sim meis
Nollem sumere mihi parentes qui honesti sunt fascibus et sellis, populus putet me insanum esse, sed fortasse sanus videor tibi, quod ego numquam solitus portare onus malum nollem portare onus molestum.
Tier 2
Nil paeniteat me sanum patris huius, eoque non me defendam sic, ut magna pars negat factum esse dolo suo, quod non habeat ingenuos clarosque parentes.
Et vox et ratio mea longe discrepat istis. Nam a certis annis si natura iuberet aevum peractum remeare atque legere alios quoscumque parentes quisque optaret sibi ad fastum, contentus meis
Nollem sumere mihi honestos fascibus et sellis, demens iudicio volgi, fortasse sanus tuo, quod nollem haud umquam solitus portare onus molestum.
Tier 3 - Carmen Ipsum
- nil me paeniteat sanum patris huius, eoque
- non, ut magna dolo factum negat esse suo pars,
- quod non ingenuos habeat clarosque parentes,
- sic me defendam. longe mea discrepat istis
- et vox et ratio. nam si natura iubeat
- a certis annis aevum remeare peractum
- atque alios legere, ad fastum quoscumque parentes
- optaret sibi quisque, meis contentus honestos
- fascibus et sellis nollem mihi sumere, demens
- iudicio volgi, sanus fortasse tuo, quod
- nollem onus haud umquam solitus portare molestum.
Written by Robert Amstutz