Publius Ovidius Naso, Amores 1.3.15-26
Ovid says there will be poems about their love and compares himself and the lover to Jupiter and his various pursuits.
Tier 1
mille puellae mihi non placent, non sum desultor amoris: si qua fides est, tu semper eris cura mihi.
liceat mihi vivere tecum annos quos Fata mihi dederint, et tu vivas plures annos quam ego ut plores me mortuo!
da te mihi materiem laetam in carmina – carmina digna causa sua venient.
in carmine haec tres feminae habent nomina: Io exterrita cornibus et Leda quam adulter Juppiter fluminea ave lusit, et Europa quae vecta est trans mare in simulato tauro, Iove, virgo tenuit curva cornua manu sua.
nos quoque aeque per totum orbem cantabimur, et meum nomen semper erit iunctum tuo nomine.
Tier 2
mille mihi non placent, non sum desultor amoris: si qua fides, tu eris cura perennis mihi.
contingat vivere tecum annos quos fila sororum mihi dederint, teque dolente mori!
praebe te mihi materiem felicem in carmina – carmina digna causa sua provenient.
carmine, Io exterrita cornibus et quam adulter fluminea ave lusit, quaeque vecta super pontum simulato iuvenco, virginea tenuit cornua vara manu, habent nomen.
nos pariter quoque per totum orbem cantabimur, nostraque nomina semper erunt iuncta tuis.
Tier 3 - Carmen Ipsum
- non mihi mille placent, non sum desultor amoris:
- tu mihi, siqua fides, cura perennis eris.
- tecum, quos dederint annos mihi fila sororum,
- vivere contingat teque dolente mori!
- te mihi materiem felicem in carmina praebe—
- provenient causa carmina digna sua.
- carmine nomen habent exterrita cornibus Io
- et quam fluminea lusit adulter ave,
- quaeque super pontum simulato vecta iuvenco
- virginea tenuit cornua vara manu.
- nos quoque per totum pariter cantabimur orbem,
- iunctaque semper erunt nomina nostra tuis.
Written by Robert Amstutz