Multi homines erant excitatae et certamen futurum esse videbatur. Lictores circum Icilium steterant; ultra minas tamen id non processit, cum Appius diceret Verginiam non defendi ab Icilio. Appius quoque dixit Icilium esse inquietum virum et nunc Icilium tribunatum spirare et petere locum seditionis.

Appius dixit se non paraturum esse materiam Icilio illo die, sed ut Icilius sciat id non datum esse petulantiae suae sed Verginio absenti et patrio nomini et libertati. Appius dixit se non dicturum esse ius illo die neque decretum daturum esse.

Appius dixit se rogaturum esse ut Marcus Claudius ire sine puella et ut Marcus Claudius permitteret Verginiam cum amicis ire in diem proximum.

Appius dixit nisi pater adfuisset proximo die, se denuntiare Icilio et iis similibus Icili, neque se qui legem facit, legem defuturum esse, neque se esse sine constantiam;

Appius dixit se non convocaturum lictores amicorum ut coercendos auctores seditionis: se contentum futurum esse suis lictoribus.

Multitudo erat concitata certamenque instare videbatur. Lictores Icilium circumsteterant; nec ultra minas tamen processum est, cum Appius diceret non Verginiam defendi ab Icilio, sed inquietum hominem et etiam nunc spirantem tribunatum quaerere locum seditionis.

Se non praebiturum materiam illi eo die, sed, ut iam sciret id non petulentiae suae datum sed Verginio absenti et patrio nomini et libertati, se ius eo die non dicturum neque decretum interpositurum:

petiturum a Marco Claudio ut decederet iure suo patereturque vindicari puellam in posterum diem;

quod nisi pater adfuisset postero die, se denuntiare Icilio similibusque Icili neque latorem legi suae neque constantiam defore decemviro;

nec se convocaturum lictores collegarum utique ad coercendos seditionis auctores: se contentum fore suis lictoribus.

Concitata multitudo erat

certamenque instare videbatur.

Lictores Icilium circumsteterant;

nec ultra minas tamen processum est,

cum Appius

non Verginiam defendi ab Icilio,

sed inquietum hominem

et tribunatum etiam nunc spirantem

locum seditionis quaerere

diceret.

Non praebiturum se

illi eo die materiam,

sed, ut iam sciret

non id petulantiae suae

sed Verginio absenti

et patrio nomini

et libertati

datum,

ius eo die se non dicturum

neque decretum interpositurum:

a M. Claudio petiturum

ut decederet iure suo

vindicarique puellam

in posterum diem pateretur;

quod

nisi pater postero die adfuisset,

denuntiare se Icilio

similibusque Icili

neque legi suae latorem

neque decemviro constantiam

defore;

nec se

utique

collegarum lictores vocaturum

ad coercendos seditionis auctores:

contentum se suis lictoribus fore.

Concitata multitudo erat certamenque instare videbatur. Lictores Icilium circumsteterant; nec ultra minas tamen processum est, cum Appius non Verginiam defendi ab Icilio, sed inquietum hominem et tribunatum etiam nunc spirantem locum seditionis quaerere diceret. Non praebiturum se illi eo die materiam, sed, ut iam sciret non id petulantiae suae sed Verginio absenti et patrio nomini et libertati datum, ius eo die se non dicturum neque decretum interpositurum: a M. Claudio petiturum ut decederet iure suo vindicarique puellam in posterum diem pateretur; quod nisi pater postero die adfuisset, denuntiare se Icilio similibusque Icili neque legi suae latorem neque decemviro constantiam defore; nec se utique collegarum lictores vocaturum ad coercendos seditionis auctores: contentum se suis lictoribus fore.