Titus Livius, Ab Urbe Condita 3.44.1-4
Livy introduces another outrage in the city born of lust, no less dreadful in its outcome than the rape and murder of Lucretia that had driven out the Tarquins, as the same lust that ended the kings would now end the decemvirs; Appius Claudius is seized with desire for Verginia, the virtuous daughter of the soldier Lucius Verginius and betrothed of the spirited tribune Lucius Icilius, and when bribery and promises fail to win her he turns to cruel and arrogant force.
Tier 1
Secundum nefas sequitur in urbe. Venerat ab libidine quae non fuit minus foeda quam id quod expulerat Tarquinios urbe regnoque. Fuit similis stupro et caedi (to the rape and murder) Lucretiae.
Similis illi crimini fuit quia idem crimen regum non solum fuit finis decemviris sed etiam libido eadem causa imperii amittendi esset.
Appius Claudius voluit stuprare virginem plebeiam, Verginia nomine. Pater virginis erat vir exempli recti et domi et militiae, Lucius Verginius. Pater ducebat milites in Algido.
Uxor Verginii fuerat docta in eodem modo et liberi quoque docti erant in eodem modo. Itaque Verginia fuit proba atque honesta virginis. Verginius desponderat filiam suam Lucio Icilio Tribunicio. Lucius fuit vir acer et virtus eius experta fuit pro causa plebis.
Appius, insanus amore, temptavit attrahere hanc virginem formosam pretio et spe. Postquam Appius animadvertit eam defensam pudore, animum suum convertit ad crudelem et arrogantiam vim.
Tier 2
aliud nefas in urbe sequitur, ortum ab libidine, haud minus foedo eventu quam quod per stuprum caedemque Lucretiae expulerat Tarquinios urbe regnoque,
ut idem non solum finis decemviris qui regibus sed etiam causa imperii amittendi eadem esset.
Libido stuprandae virginis plebeiae Appium Claudium cepit. Pater virginis, vir exempli recti domi militiaeque, Lucius Verginius, ducebat honestum ordinem in Algido.
Uxor instituta perinde fuerat liberi instituebantur. Desponderat filiam Lucio Icilio tribunicio, viro acri et virtutis expertae pro causa plebis.
Appius, amens amore, hanc virginem adultam excellentem forma adortus perlicere pretio ac spe, postquam animadverterat omnia saepta pudore, ad crudelem superbamque vim animum convertit.
Segmented Reader
Sequitur aliud in urbe nefas,
ab libidine ortum,
haud minus foedo eventu
quam quod
per stuprum caedemque Lucretiae
urbe regnoque Tarquinios expulerat,
ut non finis solum idem decemviris qui regibus
sed causa etiam eadem imperii amittendi esset.
Ap. Claudium
virginis plebeiae stuprandae
libido cepit.
Pater virginis,
L. Verginius,
honestum ordinem in Algido ducebat,
vir exempli recti domi militiaeque.
Perinde uxor instituta fuerat
liberique instituebantur.
Desponderat filiam L. Icilio tribunicio,
viro acri et pro causa plebis expertae virtutis.
Hanc virginem adultam forma excellentem
Appius
amore amens
pretio ac spe perlicere adortus,
postquam omnia pudore saepta animadverterat,
ad crudelem superbamque vim
animum convertit.
Liber Ipse
Sequitur aliud in urbe nefas, ab libidine ortum, haud minus foedo eventu quam quod per stuprum caedemque Lucretiae urbe regnoque Tarquinios expulerat, ut non finis solum idem decemviris qui regibus sed causa etiam eadem imperii amittendi esset. Ap. Claudium virginis plebeiae stuprandae libido cepit. Pater virginis, L. Verginius, honestum ordinem in Algido ducebat, vir exempli recti domi militiaeque. Perinde uxor instituta fuerat liberique instituebantur. Desponderat filiam L. Icilio tribunicio, viro acri et pro causa plebis expertae virtutis. Hanc virginem adultam forma excellentem Appius amore amens pretio ac spe perlicere adortus, postquam omnia pudore saepta animadverterat, ad crudelem superbamque vim animum convertit.
Written by Robert Amstutz