Gaius Valerius Catullus, 23 "To Furius: On Poverty"
Catullus tells Furius he should stop asking for money as he already has so many great benefits from being poor.
Tier 1
Furius, qui nullum servum, locum, ignem habet, sed patrem et uxor eius qui dentes tam duri habent ut lapides edant, bene vivit cum illis.
vobis omnia bene sunt: bene valetis et bene cibum editis, nec aliquid timetis—non ignem, non casus graves, nec mala consilia, nec alia pericula.
vestra corpora sicca sunt sicut cornu propter solem, frigus et famem.
cur tibi non sit felix vita? Non sudas, non habes salivam, nec habes mucum.
etiam plus habes: anus tuus est purus sicut sal, nec decies in anno cacas.
et cum tu cacas, non sordidum est.
noli contemnere haec commoda, Furius, sed putare bona. desine pecuniam petere—satis felix es.
Tier 2
Furius, qui neque servum neque loculum neque cimicem neque araneam neque ignem habet, sed patrem et novercam, quorum dentes etiam lapidem devorare possunt, tibi bene est cum illis.
vobis omnia bene procedunt: bene valetis, bene cibum digeritis et nihil metuendum habetis—non ignes, non ruinas, non scelesta facta, nec veneni fraudes, nec alia pericula.
vos tam sicci estis quam cornu, vel aliquid etiam magis siccum, propter solem, frigus et famem.
cur non sit tibi bene et feliciter? non laboras sudore, non habes salivam, mucus et pituita mala tibi absunt.
accipe etiam hoc: culus tuus tam purus est quam parva salsura, et totum anno raro mingis.
si manu hoc frices, digitus tuus numquam inquinabitur.
haec omnia, Furi, noli contemnere nec parvi aestimare.
desine precari sestertia centum—nam satis beatitudinis habes.
Tier 3
Furi, cui neque servus est neque arca nec cimex nec araneus nec ignis, verum habes et patrem et novercam, quorum dentes silicem comesse possunt.
tibi est pulcre cum tuo parente et cum lignea coniuge parentis.
nec mirum: omnes bene valetis, pulcre concoquitis et nihil timetis, non incendia, non graves ruinas, non facta impia, non dolos veneni , nec alios periculorum casus.
vos habetis corpora sicciora cornu aut etiam magis arida, sole, frigore et esuritione.
quare non sit tibi bene ac beate? sudor abest a te, abest saliva, mucusque et mala pituita nasi.
adde ad hanc munditiem mundiorem rem: culus tibi est purior salillo, nec decies cacas toto anno ; id durius est quam faba aut lapillis.
si tu hoc manibus teras vel frices, non umquam poteris inquinare digitum.
haec tam beata commoda, Furi, noli spernere nec parvi putare
desine precari sestertia centum quae soles, nam sat es beatus.
Tier 4 - Carmen Ipsum
- Furi cui neque servus est neque arca
- nec cimex neque araneus neque ignis,
- verum est et pater et noverca, quorum
- dentes vel silicem comesse possunt,
- est pulcre tibi cum tuo parente
- et cum coniuge lignea parentis.
- nec mirum: bene nam valetis omnes,
- pulcre concoquitis, nihil timetis,
- non incendia, non graves ruinas,
- non facta impia, non dolos veneni,
- non casus alios periculorum.
- atque corpora sicciora cornu
- aut siquid magis aridum est habetis
- sole et frigore et esuritione.
- quare non tibi sit bene ac beate?
- a te sudor abest, abest saliva,
- mucusque et mala pituita nasi.
- hanc ad munditiem adde mundiorem,
- quod culus tibi purior salillo est,
- nec toto decies cacas in anno;
- atque id durius est faba et lapillis.
- quod tu si manibus teras fricesque,
- non umquam digitum inquinare posses
- haec tu commoda tam beata, Furi,
- noli spernere nec putare parvi,
- et sestertia quae soles precari
- centum desine: nam sat es beatus.
Written by Robert Amstutz
