Gaius Valerius Catullus, 14a "To Calvus: A Horrible book!"
Catullus is writing back to Calvus, a friend and poet, because Calvus sent Catullus a collection of rather bad poets.
Tier 1
o Calve, nisi ego te plus oculis meis amarem, odissem te odio Vatiano dono isto:
nam quid ego feci aut quid dixi, cur tu me male ruis totis poetis?
dei debent dare multa mala isti clienti tuo, qui misit tibi tantam turbam poetarum horribilem.
quia si, ut ego suspicor, Sulla magister dat tibi hoc novum donum, non malum est mihi, sed bonum est et laetum, quia tui labores non inutiles sunt.
dei magni, horribilem et detestabilem parvum librum!
horribilis liber quem tu misisti ad tuum Catullum, ut ego mortuus esset proximo die, in optimo dierum omnium, Saturnalibus!
tu non abibis hoc sine poena.
nam cum primum mane est, ego curram ad tabernas librorum, et capiam omnia poemata mala: Caesios, Aquinos, Suffenum.
et dabo has poenas tibi.
interea valete poetae pessimi, vos abite hinc, ite illuc unde venistis, infelices.
Tier 2
iucundissime Calve, ni te plus oculis meis amarem, odissem te odio Vatiniano munere isto:
nam quid ego feci quidve locutus sum, cur me male perderes tot poetis?
di dent multa mala isti clienti, qui misit tantum impiorum tibi.
quod si, ut suspicor, Sulla litterator tibi dat hoc novum ac repertum munus, non est male mi, sed bene ac beate, quod tui labores non dispereunt.
di magni, horribilem et sacrum libellum!
quem tu scilicet ad tuum Catullum misisti, ut periret continuo die, optimo dierum, Saturnalibus!
non hoc tibi, false, non sic abibit.
nam si luxerit (ego) curram ad scrinia librariorum, colligam omnia venena Caesios, Aquinos, Suffenum.
ac remunerabor te his suppliciis.
interea valete, abite vos hinc illuc, unde attulistis malum pedem, incommoda saecli, pessimi poetae.
Tier 3 - Carmen Ipsum
- ni te plus oculis meis amarem,
- iucundissime Calve, munere isto
- odissem te odio Vatiniano:
- nam quid feci ego quidve sum locutus,
- cur me tot male perderes poetis?
- isti di mala multa dent clienti,
- qui tantum tibi misit impiorum.
- quod si, ut suspicor, hoc novum ac repertum
- munus dat tibi Sulla litterator,
- non est mi male, sed bene ac beate,
- quod non dispereunt tui labores.
- di magni, horribilem et sacrum libellum!
- quem tu scilicet ad tuum Catullum
- misti, continuo ut die periret,
- Saturnalibus, optimo dierum!
- non non hoc tibi, false, sic abibit.
- nam si luxerit ad librariorum
- curram scrinia, Caesios, Aquinos,
- Suffenum, omnia colligam venena.
- ac te his suppliciis remunerabor.
- vos hinc interea valete abite
- illuc, unde malum pedem attulistis,
- saecli incommoda, pessimi poetae.
Gaius Valerius Catullus, 14b Fragment
Catullus addresses his readers.
Tier 1
si tu forte eris lector mearum stultitiarum,
tu non horrebis admovere manus tuas nobis
Tier 2
si (aliqui) forte eritis lectores mearum ineptiarum
manusque vestras admovere nobis non horrebitis
Tier 3 - Carmen Ipsum
- si qui forte mearum ineptiarum
- lectores eritis manusque vestras
- qnon horrebitis admovere nobis,
Written by Robert Amstutz
