illa navis, quam vos videtis, hospites, ait se fuisse celerrima navium omnium,

ait nullum natantem lignum eam capere potuisse, sive navis acta est palmulis sive velis.

et illa navis ait litus minacis Hadriatici non negare hoc, item insulas Cycladas vel nobilem Rhodum vel horridum mare Thracium vel ferox Ponticum mare,

Ponticum sinum, locus ex quo ista navis venit ante navis tua erat; nam in monte Cytorio saepe navis (ut arbor) dixit loquentibus foliis.

navis ait haec fuisse et esse notissima tibi, o Amastri Pontica et buxifer Cytore:

navis dicit se ex ultima origine sua stetisse in tuo apice, dicit se imposuisse palmulis in tua aqua,

et dicit se dominum portavisse per tot fera freta, sive sinister sive dexter ventus flaret, sive ventus secundus cecidisset in utrumque velum simul;

et navis dicit nulla vota facta sibi deis maritimis, cum veniret a mari recentissimo usque ad hunc clarum lacum.

sed haec fuerunt in temporibus prioribus: nunc occulta quiete senior fit et dedicat se tibi, o gemini fratres, Castor et Pollux.

ille phaselus, quem videtis, hospites, ait fuisse celerrimus navium,

neque impetum ullius natantis trabis nequivisse praeterire, sive opus volare foret palmulis sive linteo.

et negat litus minacis Hadriatici negare hoc vel insulas Cycladas et nobilem Rhodum et horridam Thraciam Propontida vel trucem Ponticum sinum,

(Ponticum sinum) ubi iste phaselus, antea fuit comata silva, post (phaselus); nam in iugo Cytorio saepe edidit sibilum loquente coma.

phaselus ait haec fuisse et esse cognitissima tibi, Amastri Pontica et buxifer Cytore:

dicit ex ultima origine stetisse in tuo cacumine, imbuisse palmulas in tuo aequore,

et erum tulisse inde per tot impotentia freta, sive laeva sive dextera aura vocaret, sive Iuppiter secundus incidisset in pedem utrumque simul;

neque ulla vota litoralibus deis esse facta sibi, cum veniret a mari novissimo usque ad hunc limpidum lacum.

sed haec fuerunt prius: nunc recondita quiete senet et dedicat se tibi, gemelle Castor et gemelle Castoris.

1. phaselus ille, quem videtis, hospites,
2. ait fuisse navium celerrimus,
3. neque ullius natantis impetum trabis
4. nequisse praeterire, sive palmulis
5. opus foret volare sive linteo.
6. et hoc negat minacis Hadriatici
7. negare litus insulasve Cycladas
8. Rhodumque nobilem horridamque Thraciam
9. Propontida trucemve Ponticum sinum,
10. ubi iste post phaselus antea fuit
11. comata silva; nam Cytorio in iugo
12. loquente saepe sibilum edidit coma.
13. Amastri Pontica et Cytore buxifer,
14. tibi haec fuisse et esse cognitissima
15. ait phaselus: ultima ex origine
16. tuo stetisse dicit in cacumine,
17. tuo imbuisse palmulas in aequore,
18. et inde tot per impotentia freta
19. erum tulisse, laeva sive dextera
20. vocaret aura, sive utrumque Iuppiter
21. simul secundus incidisset in pedem;
22. neque ulla vota litoralibus deis
23. sibi esse facta, cum veniret a mari
24. novissimo hunc ad usque limpidum lacum.
25. sed haec prius fuere: nunc recondita
26. senet quiete seque dedicat tibi,
27. gemelle Castor et gemelle Castoris.