Domus Rōmāna

domus Rōmāna habet multa conclāvia: ātrium, cubicula, tablīnum, peristȳlium, culīna, et trīclīnium.

ātrium (I) est prīmum conclāve. familia intrat in ātrium et hospitēs exspectant in ātriō.

in ātriō sunt cubicula (II). in cubiculīs, familia dormit. cubicula nōn sunt māgna. cubicula sunt parva. lectus est in cubiculō. persōna in lectō in cubiculō dormit.

per ātrium est tablīnum (III). in tablīnō, pater familiae labōrat. est mēnsa in tablīnō. sunt multa volūmina in tablīnō. sunt multae tabellae in tablīnō.

prope tablīnum sunt peristȳlium (IV), culīna (V), trīclīnium (VI). in culīnā, servī et servae cibum coquunt. in trīclīniō, familia reclīnat et cibum cōnsūmit.

peristȳlium est hortus in domō. in peristȳliō saepe sunt arborēs et flōrēs et statuae et fontēs.