(Episode 25.3.a Mission Assist HUD)
>domī Recentiae, 83 CE<
Gāius et Secundus audiunt vestram nārrātiōnem tacitē nē vōs vexent. fābulā vestrā fīnitā, Gāius spectat Secundum nē dīcat cum alius dīcere velit, et dīcit, “quid putās dē illīs dissimilibus inter somnium et realitatem?”
Secundus oculōs claudit nē (putātis) vexētur ā rēs huius mundī, sed ut, quasī in somnō, accipiat nūntium ex deīs.
“est aliquid falsum in mundō,” dīcit tandem, oculīs apertīs.
“falsum?” rogat Gāius.
“falsum,” Secundus cōnfīrmat, adnuēns nē aliquid dubium maneat.
“qualē falsum aliquid?” Gāius vidētur sollicitus. incipitis timēre nē aliquid insānus in TSTTiō sit.
incipitne domus tremere paulum? meministis Alexandrīae, et vōsmet movētis nē trabēs in vōs dēsuper cadat. Secundus autem animadvertit Gāium habēre cūras, et ridet modō aliēnō et “tū" inquit "nōn potes cōgere Corneliam tē animadvertere!” pulsat Gāium in umerō et vultum iucundum vōbīs nē sollicitī fiāminī.
Gāius vidētur sē collegisse. “putō" inquit "vōs dēbēre redīre ad domum Maecēnātis et temptāre invenīre aliquid.”
Secundus eum spectat.
“aliquid" Gāius inquit "quod potest mē adiuvare ēvadere mortem modō quō Urbānus dīcit mē moritūrum sī adhūc obvius illō maneam.”
Secundus dīcit, “EXPOSITION SUBROUTINE. SYSTEMS DIAGNOSTIC."
media nox est, et viae Esquilīnī iam tacitae sunt. āgnōscitis statim domum Maecēnātis. est ātra, et absolūtē dēserta--sperātis.
obrepitis intrā, nē aliquis vōs spectet, et ambulātis ad tablīnum. certī estis vōs inventūrōs angulum in quō Maecēnas posuit aliquid.
deceptī tamen estis; mūrus solidus est, et non videtur aliquid cēlāre aliquō modō.
vōsmet vertentēs trīstēs, animadvertitis sub locō ubi angulus erat, est cista voluminum papyrī. legentēs unum caecē (aut fortasse non caecē?) et ēvolventēs volumen, legitis:
at rēgīna gravī iamdūdum saucia cūrā
vulnus alit vēnīs et caecō carpitur īgne.
multa virī virtus animō multusque recursat
gentis honōs; haerent īnfīxī pectore vultūs
verbaque nec placidam membrīs dat cūra quiētem.
“est" inquit Secundus "liber quartus,” mīrāns.
volvitis volumen celeriter ad locum in quō Dīdō nōn potest dormīre, illum locum quem Vergilius recitābat cum eum vidistis.
sanguinēs vestrī fiunt frigidī. cultīs litterīs, iuxtā verba “at nōn īnfēlīx,” scrīpta sunt verba
SALVIA DELENDA EST.
Secundus anhēlat. “quid est hoc?!”
agendum: rēspondēre temptāte.