Odysseus vōs ad angulum aulae dūcit. quiētē sed sevērē dīcit:

"nōn ita. sī digitō ostendis et dīcis 'tū es Achillēs,' omnēs negābunt. Achillēs quoque negābit. et rēx nōs iterum pūniet."

Odysseus per aulam spectat. puellae iterum sedent. Dēidamēia adhūc īrāta est.

"nōn oculīs sōlīs invenīre potestis. multae puellae fortēs sunt. multae puellae altae sunt. hoc nihil probat."

Odysseus vōs spectat.

"melius est cōnsilium callidum. cōgitāte: quid Achillēs amat quod puella nōn amat? sī rēctum dōnum in mēnsam pōnitis, Achillēs sē ipse ostendet."

 perge.