Marcus Tullius Cicero, Pro Caelio [13]
Cicero continues to outline Catiline's character and explain how he was able to sway so many people by doing favors, being a good friend, and even by committing crimes on behalf of others if need be.
Tier 1
quis umquam erat iucundior viris superioribus, quis erat tam prope viros malos?
quis civis umquam habebat meliores res politicas, quis erat odiosior hostis Romae?
quis erat pollutior in deliciis, quis patientior in laboribus?
quis plus sibi capiebat, quis plus suorum dabat?
certe iudices, illa admirabilia fuerunt in illo homine: tenebat multos cives amicitia, curabat amicitias devotione, communicabat quod habebat omnibus,
dabat et se omnibus, qui tempus difficile habebat, pecunia, gratia, labore corporis, et etiam audacia et crimine si necesse esset,
mutabat et ducebat suam naturam ad occasionem et flectebat se huc et illuc, vivebat severe cum tristibus, vivebat laete cum iis qui sine cura sint, vivebat graviter cum senibus, vivebat benigne cum adulescentibus, vivebat audaciter cum iis qui crimina fecisset, vivebat luxuriose libidinosis.
Tier 2
quis quodam tempore iucundior (erat) viris clarioribus, quis (erat) coniunctior turpioribus?
quis civis aliquando (erat) meliorum partium, quis (erat) taetrior hostis huic civitati?
quis (erat) inquinator in voluptatibus, quis patientior in laboribus?
quis (erat) avarior in rapacitate, quis effusior in largitione?
illa vero, iudices, admirabilia fuerunt in illo homine, comprehendere multos amicitia, tueri obsequio, communicare quod habebat cum omnibus,
servire temporibus omnium suorum pecunia, gratia, labore corporis, et etiam audacia et scelere, si opus esset,
versare et regere suam naturam ad tempus atque torquere ac flectere huc et illuc, vivere severe cum tristibus, (vivere) iucunde cum remissis, (vivere) graviter cum senibus, (vivere) comiter cum iuventute, (vivere) audaciter cum facinerosis, (vivere) luxuriose cum libidinosis.
Segmented Reader
quis clarioribus viris
quodam tempore
iucundior,
quis turpioribus coniunctior?
quis civis meliorum partium aliquando,
quis taetrior hostis huic civitati?
quis in voluptatibus inquinatior,
quis in laboribus patientior?
quis in rapacitate avarior,
quis in largitione effusior?
illa vero,
iudices,
in illo homine admirabilia fuerunt,
comprehendere multos amicitia,
tueri obsequio,
cum omnibus communicare quod habebat,
servire temporibus suorum omnium
pecunia, gratia, labore corporis,
scelere etiam,
si opus esset,
et audacia,
versare suam naturam
et regere ad tempus
atque huc et illuc torquere ac flectere,
cum tristibus severe,
cum remissis iucunde,
cum senibus graviter,
cum iuventute comiter,
cum facinerosis audaciter,
cum libidinosis luxuriose vivere.
Tier 3 - Liber Ipse
quis clarioribus viris quodam tempore iucundior, quis turpioribus coniunctior? quis civis meliorum partium aliquando, quis taetrior hostis huic civitati? quis in voluptatibus inquinatior, quis in laboribus patientior? quis in rapacitate avarior, quis in largitione effusior? illa vero, iudices, in illo homine admirabilia fuerunt, comprehendere multos amicitia, tueri obsequio, cum omnibus communicare quod habebat, servire temporibus suorum omnium pecunia, gratia, labore corporis, scelere etiam, si opus esset, et audacia, versare suam naturam et regere ad tempus atque huc et illuc torquere ac flectere, cum tristibus severe, cum remissis iucunde, cum senibus graviter, cum iuventute comiter, cum facinerosis audaciter, cum libidinosis luxuriose vivere.
Written by Robert Amstutz
