P. Vergilius Maro, Aeneid 1.505–519
Dido sits enthroned in the temple, dispensing laws and assigning labors to her people. Aeneas suddenly spots Antheus, Sergestus, brave Cloanthus, and other Trojan companions whom the storm had scattered to distant shores. He and Achates watch from inside their concealing cloud, torn between joy and fear, as the chosen envoys approach the temple to plead for help.
Tier 1
Dīdō intrat templum. Dīdō sedet in altā sēde sub mediō tēctō. virī armātī sunt circum rēgīnam. Dīdō dat iūra et lēgēs virīs. Dīdō dīvidit labōrem aequē aut sorte.
subitō Aenēās videt Antheam et Sergestum et fortem Cloanthum. Aenēās etiam videt aliōs Trōiānōs. anteā ātra tempestās pulsāverat hōs virōs per mare. tempestās mīserat eōs ad aliās ōrās. nunc hī sociī accēdunt ad templum cum magnā turbā.
Aenēās et Achātēs simul gaudent et timent. volunt iungere manūs cum sociīs. sed timent perīculum.
ambō virī adhūc latent in nūbe cavā. spectant sociōs. Aenēās et Achātēs volunt rogāre multās rēs. ubi sunt aliae nāvēs sociōrum? cūr veniunt sociī ad hoc lītus? Aenēās nōn scit.
hī sociī sunt lēctī ex omnibus nāvibus. veniunt et petunt templum. clāmant et ōrant auxilium.
Tier 2
tum ad iānuās templī, sub mediō tēctō templī, cum virīs armātīs, Dīdō sēdit in altā sēde. rēgīna dabat iūra lēgēsque virīs et dīvidēbat labōrem aequē aut sorte.
subitō Aenēās videt Antheam et Sergestum et fortem Cloanthum et aliōs Trōiānōs. ātra tempestās dispulerat hōs virōs per aequor et portāverat ad aliās ōrās. nunc illī accēdēbant cum magnā turbā.
Aenēās et Achātēs erant stupefactī et laetitiā et metū. volēbant coniungere dextrās manūs cum sociīs sed timēbant perīculum.
ambō virī adhūc latēbant in nūbe cavā et spectābant sociōs. volēbant rogāre quae sit fortūna virīs, quō lītore relinquant nāvēs, quid veniant. virī lēctī ībant ex omnibus nāvibus et nunc petēbant templum cum clāmōre.
Tier 3
tum, foribus dīvae, mediā testūdine templī, saepta armīs, altē resēdit subnīxa soliō. dabat iūra lēgēsque virīs, et aequābat labōrem operum partibus aut trahēbat sorte -- cum subitō Aenēās videt Anthea et Sergestum et fortem Cloanthum accēdere magnō concursū, et aliōs Teucrōrum, quōs āter turbō dispulerat aequore et āvexerat penitus aliās ōrās.
simul Aenēās ipse ostipuit, simul Achātēs percussus est et laetitiā et metū; avidī ārdēbant coniungere dextrās manūs, sed incognita rēs turbat animōs.
dissimulant et (amictī cavā nūbe) speculantur, quae fortūna virīs, quō lītore linquant classem, quid veniant; nam cūnctīs nāvibus lēctī ībant, ōrantēs veniam, et petēbant templum clāmōre.
Tier 4 - Carmen Ipsum
- tum foribus dīvae, mediā testūdine templī,
- saepta armīs, soliōque alte subnīxa resēdit.
- iūra dabat lēgēsque virīs, operumque labōrem
- partibus aequābat iūstīs aut sorte trahēbat --
- cum subitō Aenēās concursū accēdere magnō
- Anthea Sergestumque videt fortemque Cloanthum,
- Teucrōrumque aliōs, āter quōs aequore turbō
- dispulerat penitusque aliās āvexerat ōrās.
- obstipuit simul ipse, simul percussus Achātēs
- laetitiāque metūque; avidī coniungere dextrās
- ārdēbant, sed rēs animōs incognita turbat.
- dissimulant et nūbe cavā speculantur amictī,
- quae fortūna virīs, classem quō lītore linquant,
- quid veniant; cūnctīs nam lēctī nāvibus ībant,
- ōrantēs veniam, et templum clāmōre petēbant.
Tier 4 - Carmen Ipsum (AP Core Vocabulary)
- tum foribus dīvae, mediā testūdine templī,
- saepta armīs, soliōque alte subnīxa resēdit.
- iūra dabat lēgēsque virīs, operumque labōrem
- partibus aequābat iūstīs aut sorte trahēbat --
- cum subitō Aenēās concursū accēdere magnō
- Anthea Sergestumque videt fortemque Cloanthum,
- Teucrōrumque aliōs, āter quōs aequore turbō
- dispulerat penitusque aliās āvexerat ōrās.
- obstipuit simul ipse, simul percussus Achātēs
- laetitiāque metūque; avidī coniungere dextrās
- ārdēbant, sed rēs animōs incognita turbat.
- dissimulant et nūbe cavā speculantur amictī,
- quae fortūna virīs, classem quō lītore linquant,
- quid veniant; cūnctīs nam lēctī nāvibus ībant,
- ōrantēs veniam, et templum clāmōre petēbant.
