"Hamilcar trēs fīliōs habēbat," inquit Octāviāna lentē, "et prīmus erat Hannibal."

Tertius ā fenestrā ad mēnsam vēnit. chartam suam ē tunicā sustulit, et stilum, et prope fragmentum scrībere coepit. Octāviāna verba legēbat dum scrībit: templum, senātus, Hamilcar, domus Barcae, Hispānia, fīliī. deinde Tertius ūnum nōmen magnīs litterīs scrīpsit, et diū in eō manum tenuit.

"in nāve Duiliī hominēs hoc dīcēbant," inquit, et oculōs nōn sustulit. "'Hannibal Lapidem in Orientem tulit.' sed hominēs multa dīcunt. nunc chartam habēmus. Lapis in domō Barcae erat, et Hannibal in domō Barcae crēvit. Lapis eum exspectābat."

"scrīptōrēs Graecī saepe vērum dīcunt," inquit Callista, "sed rārō tōtum."

tum vōx ab viā vēnit, per fenestram. vōx iuvenis erat, et Latīna, et nōn timida. in gradibus Mūsaeī aliquis cum custōde loquēbātur.

"salvē," inquit vōx. "intrāvitne hodiē aliquis Rōmānus? puella et puer, fortasse?"

Tertius nōn sē mōvit. stilus in chartā cōnstitit, in fīne nōminis, et ibi mānsit.

Octāviāna vōcem statim cognōverat, et Bellātor quoque. Pompeiīs eam audīverant, in hortō et in viīs, multīs diēbus. Bellātor surgere coepit. "Tiberius," inquit, nōn magnā vōce, et oculī eius laetī erant.

Tertius eum nōn spectāvit, sed manum in bracchiō eius posuit, et Bellātor iterum sēdit. "nōn hodiē," inquit Tertius, et vōx eius quiēta erat.

Callista nōn ad fenestram spectābat. Tertium spectābat: vultum eius, et stilum, et manum in bracchiō Bellātōris. nihil dīxit, et nihil rogāvit.

[TSTT SYSTEM MESSAGE: ERROR 1298B]

in arcā lūx semel mūtāta est. nēmō arcam spectābat. in gradibus custōs aliquid respondit, sed verba eius per fenestram nōn vēnērunt.

 quid Recentiī spectant?