Episode 11.3: Ad Proelium Mȳlārum

 

lūx clāra fuit, et deinde nūlla, et deinde tēctum erat.

 

Cubiculum Tertiī, Alexandrīa, Aegyptus, 833 AUC (80 CE)

 

Octāviāna in terrā iacēbat et tēctum spectābat. tēctum humile erat, et per fenestram angustam lūx veniēbat, et lūx nōn sē movēbat. mare nōn erat. sōl altior erat quam anteā.

 

Bellātor sēdit, deinde manūs in terrā posuit et eās ibi tenuit. "terra sē movet," inquit.

 

"nōn sē movet," inquit Octāviāna.

 

"sciō," inquit Bellātor. "sed sē movet."

 

ignis in angulō iam nōn vīvēbat, et cubiculum frīgidius erat quam nocte. odor aromatum ex tabernā veniēbat. odor maris nōn erat, nec picis, nec hominum multōrum. Tertius ad mēnsam sedēbat: chartam iam aperuerat, et stilum tenēbat, et litterae in chartā novae erant.

 

"quantum temporis?" rogāvit Octāviāna.

 

"ūna hōra," inquit Tertius. "fortasse minus."

 

Tertius stilum dēposuit et manūs iūnxit.

 

"invenīstis vestīgium," inquit. "Lapis cum Asinā erat. Poenī eum cēpērunt. itaque Hannibal, et itaque Alexandrīa."

 

"itaque bibliothēca," inquit Octāviāna.

 

"fortasse," inquit Tertius. "hoc nōndum sciō."

 

Bellātor surrēxit, lentē, et mūrum manū tetigit. "et Duilius?"

 

"Duilius vīcit," inquit Tertius. "hoc in librīs est."

 

"nōn hoc rogāvī," inquit Bellātor.

 

Tertius eum diū spectāvit et nihil respondit. deinde stilum iterum sustulit et scrīpsit, et diū scrīpsit, et dum scrībit nihil dīxit. Recentiī eum spectābant. hoc in librīs nōn erat, et nunc in chartā erat.

 

deinde chartam dēposuit et cēram sustulit. in cērā pauca scrīpsit. deinde cēram vertit et in mēnsā posuit, et litterae ad mēnsam spectābant. Octāviāna hoc iterum vīdit, et iterum nihil rogāvit.

 

lūx in arcā semel mūtāta est.

 

[TSTT SYSTEM MESSAGE: ERROR 1298B]

 

Tertius arcam spectāvit et eam nōn aperuit. deinde surrēxit.

 

"surgite," inquit. "multum agendum est."

 

Bellātor surrēxit et prīmum rēctē nōn stetit, deinde rēctē stetit. extrā fenestram urbs iam clāmābat: vōcēs multae, et pedēs, et aqua in portū. Alexandrīa nōn exspectābat.

 


 perge ad proximum mūnus.

 

→ Episode 12

 

The Pericles Group Foundation
The Pericles Group Foundation
501(c)(3) Nonprofit

Free Latin for every classroom. Help keep it that way.

Everything here is free for every Latin student and teacher: more than 20 tiered Latin texts, from Caesar and Catullus to Vergil and Tacitus, plus the LAPIS curricula, informational texts, and more. No paywalls, no ads, no logins required, and new missions and readings are still being written.

If they help you or your students, $2 a month keeps them free and growing. A one-time gift helps too.

♡ Give $2 a month