Octāviāna rogat ut servus fundat pōtiōnem in pōculum. servus pōtiōnem fundit. tandem pōculum Octāviānae plēnum est.

pōtiō rubra est. Octāviāna anxia est. vultne bibere pōtiōnem?

bibit paulum dē pōculō. pōtiō vīnum est, cum melle. dulcis et deliciōsa est! Octāviāna plūs bibit dē pōculō!

Octāviāna spectat ad Caecilium. nōn certa est: dēbetne Caecilium dē Lapide rogāre? Octāviāna ōs aperit, tunc claudit. dēbetne rogāre?

intereā, Caecilius spectat ad Bellātōrem. "ō Bellātor," inquit Caecilius, "putō tē esse fortem iuvenem!"

Octāviāna plūs bibit dē poculō. nunc certa est: dēbet rogāre dē Lapide.

"ō Caecilī," inquit, "shcīshne dē Lapide antīquō?"

Caecilius spectat ad Octāviānam et rīdet. "ō Octāviāna," inquit, "putō tē nōn dēbēre plūs vīnum bibere!"

 quid Octāviāna agit?