Bellātor ambulat ad lectum, et super lectō reclīnat.

Tiberius spectat ad Bellātōrem. vultus novī amīcī dīcit, "ō Bellātor, num bonōs morēs scīs?"

Bellātor spectat ad Octāviānam. "quid?" mussat ad sorōrem.

Octāviāna suspīrat. "ō frāter," inquit, "quid errās? spectā ad Tiberium et Caecilium. habentne soleās in pedibus?"

Bellātor videt servum prope sē, manūs tenentem ut soleās capiat. vultus Bellātōris calidus est. dēpōnit soleās et servō dat. tunc iterum reclīnat super lectō.

tandem servī trīclīnium intrant, multās patellās portāntēs.

"ah!" inquit Caecilius. "ecce gustātio!"

Octāviāna spectat patellās. illa ēsuriens est et cibum vult. una patella ōva habet. alia patella olīvās habet. servus quoque urnam habet.

 quid Octāviāna agit?