Bellātor ambulat ad lectum, et sedet. spectat ad Tiberium. Tiberius putat, "amīcus meus novus Bellātor morēs bonōs nescit."

spectat ad Octāviānam. "ō frāter," inquit Octāviāna, "quid errās?"

Bellātor pedēs Tiberiī et Octāviānae spectat. amīcus novus soleās nōn habet. soror soleās nōn habet.

Caecilius rīdet. "ō iuvenis," inquit, "reclīnātūrus es super lectō, ut cenēs. nonne est necesse soleās dēpōnere?"

Bellātor anxius rīdet et soleās dēpōnit. servus in trīclīniō celeriter soleās Bellātōris capit. 

tunc Bellātor reclīnat super lectō.

tandem servī trīclīnium intrant, multās patellās portāntēs.

"ah!" inquit Caecilius. "ecce gustātio!"

Octāviāna spectat patellās. illa ēsuriens est et cibum vult. una patella ōva habet. alia patella olīvās habet. servus quoque urnam habet.

 quid Octāviāna agit?