Bellātor dīcit, "nōn necesse est mihi manūs lavāre" 

Tiberius est confūsus. “cūr? necesse est tibi lavāre manūs. nonne consumis cibum digitīs? suntne sordidī?”

Octāviāna ad Bellātōrem spectat et celeriter respondet, “ita. necesse est nōbīs lavāre manūs. eāmus!”

Tiberius Octāviānam Bellātōremque ad cubiculum dūcit. in cubiculō Tiberius manūs in aquā pōnit et manūs lavat. 

Octāviāna Tiberium spectat et suās manūs lavat.

Bellātor suās manūs lavāre nōn vult sed tamen manūs lavat.

posteā, Tiberius dūcit Recentiōs, manibus lavātīs, ad trīclīnium.

Caecilius reclīnat super lectō splendidō. "intrāte, ō Recentiī," inquit. "cēnātūrī mox sumus."

Tiberius trīclīnium intrat. soleās dēpōnit. Tiberius soleās servō dat. servus soleās accipit et ā Tiberiō ambulat. Tiberius ad patrem ambulat et prope patrem stat. spectat ad Recentiōs.

 quid Bellātor agit?