Recentiī ad hominēs vīnctōs iērunt. illī hominēs eōs nōn aspexērunt; mūrum sōlum spectābant. ūnus ex eīs lūdum umbrārum bene sciēbat: omnēs fōrmās rēctē nōmināvit, et multa praemia accēpit, multa crūstula. alter autem vir caput vertere temptāvit, quod ignem vidēre cupiēbat. sed vincula eum retrāxērunt, et ille gemuit.

tum prīmus vir alterum rīsit. "stulte!" inquit. "cūr tē vertere temptās? umbrae sunt omnia. spectā umbrās, et praemia accipe!"

vōx Sinistrī vēnit. "vidēsne, ō Recentiī? ubi ad eōs redībitis et dīcētis quod vīdistis, dīcent vōs nōn sānōs esse. dīcent umbrās esse bonās. dīcent: 'cūr quisquam ex cavō exīre vult?'"

 Recentiī hominēs vīnctōs spectant. quid faciunt?