Tiberius chartam iterum in saccō posuit, et surrēxit. laetus erat: omnia iam dīxerat, ut putābat. sed nōn omnia dīxerat.

"venīte," inquit. "aliquid vōbīs ostendere volō."

trāns peristȳlium eōs dūxit, et ante iānuam parvam stetit. "haec est bibliothēca Salviī," inquit, et iānuam aperuit.

cubiculum parvum erat. Salvius id bibliothēcam appellāverat, et servī signum in iānuā posuerant; sed cubiculum manēbat cubiculum.

intus multa volūmina erant: in mēnsā, in sēdibus, in terrā. multa diū intācta iacuerant.

Tiberius manum mōvit, quasi regnum ostendēbat. "haec omnia Salviī sunt," inquit. "avunculus meus multa habet, et pauca legit."

Recentiī intrāvērunt. Bellātor volūmen sustulit, et alterum volūmen statim cecidit.

Recentiī inter sē spectāvērunt, et idem cōgitābant.

 perge.