Episode 9.2: Charta

 

"sed cūr tū hanc chartam habēs?" rogāvit Octāviāna.

 

Tiberius paulum tacuit, deinde respondit, vōce molliōre. "in vīllā patris meī erat lībertus, Euphorbus, quī coquus erat. Euphorbus mihi cārus erat: mē puerum cūrābat, et semper rīdēbat. semper idem dīcēbat: 'pira mātūra sunt!' sed pira semper dūra erant, numquam vērē mātūra."

 

"sed subitō ex Ītaliā discessit, et ego eum quaerere voluī. longum iter fēcī, ab Ītaliā ad Alexandrīam. Euphorbum ipsum nōn invēnī; sed in Alexandrīā hominēs invēnī quī eum nōverant, et quī dē lapide loquēbantur. ab eīs hanc chartam accēpī, et multa dē lapide didicī. nōn omnia adhūc intellegō. sed hoc sciō: hic lapis vērus est, et eum invenīre dēbēmus."

 

Recentiī Tiberium audiēbant. iuvenis erat, et longum et mīrum iter fēcerat, sōlus, propter ūnum lībertum et ūnam chartam. hoc plūs valēbat quam ūllum signum in chartā.

 

interim volūmen Salviī in tablīnō manēbat, intāctum. verba eius numquam lēgērunt; hanc viam ēlēgērunt, nōn illam.

 


 perge.

 

→ Next

 

The Pericles Group Foundation
The Pericles Group Foundation
501(c)(3) Nonprofit

Free Latin for every classroom. Help keep it that way.

Everything here is free for every Latin student and teacher: more than 20 tiered Latin texts, from Caesar and Catullus to Vergil and Tacitus, plus the LAPIS curricula, informational texts, and more. No paywalls, no ads, no logins required, and new missions and readings are still being written.

If they help you or your students, $2 a month keeps them free and growing. A one-time gift helps too.

♡ Give $2 a month