Septimus eōs spectāvit, et subitō nōn intellēxit. "quid?" inquit. "Prometheus? cūr dē Prometheō dīcitis?"

Recentiī inter sē spectāvērunt. "nōn Prometheus," inquit Bellātor. "nōmen eius est Sinistrus!"

sed Septimus iterum aliud audīvit. "Prometheus," dīxit. "hoc nōmen anteā audīvī, ubi prīmum vōs vīdī. tum quoque nōn intellēxī."

Septimus paulum tacuit. "fortasse māchina vestra verba mūtat; fortasse hoc signum id facit. nesciō. sed hoc sciō: vōbīs crēdō. aliquis vōs in cavum dūxit; aliquis hoc signum fēcit. ille vir, quisquis est, perīculōsus est."

Septimus surrēxit. "venīte. cibum habeō, et multa dē Britanniā dīcere volō. Salvius nōn est sōlum perīculum hīc."

 perge.