Bellātor puellās spectāvit. ūna cēterīs altior erat; umerōs lātōs et corpus forte habēbat.

"haec est Achillēs!" clāmāvit Bellātor, et puellam digitō ostendit.

puella eum spectāvit. oculī magnī erant; tum vultus mūtātus est. īrāta erat.

"ego?" clāmāvit. "ego Achillēs nōn sum! ego Dēidamīa sum, fīlia rēgis!"

cēterae puellae rīdēbant. ūna dīxit: "Dēidamīa fortis est quia cotīdiē natat!"

puellae plūs rīdēbant; Dēidamīa nōn rīdēbat. ad Bellātōrem ambulāvit et eum pulsāvit.

"stultē! ego fīlia rēgis sum!"

rēx Lycomēdēs surrēxit. nōn rīdēbat.

"hospitēs, fīliam meam offendistis. cūr in rēgiam meam venistis? quid quaeritis?"

Odysseus celeriter dīxit: "rēx, ignōsce. error erat. hī iuvenēs iocum facere volēbant."

Lycomēdēs nōn cōnsēnsit, sed sēdit et Recentiōs oculīs spectāvit. Odysseus ad caelum spectāvit.

 perge.