rhētor māgnā vōce clāmābat. Recentiī prope stābant et audiēbant.

"Graecī!" clāmāvit rhētor. "Graecī omnēs rēs melius fēcērunt! Graecī meliōrēs philosophōs habuērunt! meliōrēs poētās! meliōra templa!"

turba rīsit. rhētor manūs ad caelum sustulit.

"et quid Rōmānī fēcērunt? viās! sōlum viās!"

Bellātor īrātus erat. "hoc nōn vērum est!" inquit. sed Octaviāna eum retinuit.

"nōlī," inquit Octaviāna. "rhētor lūdit. hoc est spectāculum."

Recentiī ā rhētore discessērunt. nunc dēbēbant rēs parāre.

Bellātor mercātōrem vīdit quī gladiōs et tunicās vendēbat. "ecce!" clāmāvit. "gladiōs habet!"

Octaviāna autem alium mercātōrem vīdit quī stilōs et tabulās habēbat. "ego illūc eō," inquit.

 cum quō Recentiī eunt?