Octaviāna ad fīnem viae pervēnit. in terrā frāctae amphorae iacēbant. sed nēmō aderat.

Octaviāna mūrum spectāvit. in mūrō verba scrīpta erant:

LAPIS DEŌRVM IN MVRIS LATET. QVI LAPIDEM QVAERIT, VIAM INVENIET.

Octaviāna verba legit. "Bellātor, venī! spectā!" inquit.

Bellātor ad mūrum accessit et verba legit. "quis haec scrīpsit?" inquit.

Octaviāna nescīvit. "nesciō," inquit. "sed haec verba dē Lapide sunt. aliquis dē Lapide scit."

Recentiī verba in mūrō diū spectāvērunt. sed nēmō vēnit. nēmō respondēbat.

"dēbēmus ad forum īre," inquit Bellātor. "Sextus nōs mīsit."

Octaviāna tandem cōnsēnsit. Recentiī ē viā angustā exiērunt et ad forum iterum contendērunt.

 perge.