priusquam Octaviāna loquī potest, Bellātor prōcēdit et magnā vōce exclāmat, "Rōma est... magna!"

Caecilius ad Tiberium spectat. Tiberius ad patrem suum respicit, deinde ad Octaviānam. tum omnēs ad Bellātōrem spectant. omnēs tacent.

Bellātor dīcit, "Rōma multōs hostēs vīcit. ducēs potentēs multās terrās cēpērunt. Caesar dux erat. Galliam cēpit."

nēmō mīrātur.

Bellātor plūra addere vult. "Scīpiō dux fortis erat. Hannibalem in bellīs Pūnicīs vīcit."

Bellātor per tablīnum spectat. timet. addit, "et Claudius... imperātor Claudius Britanniam cēpit…"

 quid Recentiī agunt?