Episode 2.3: In the House of Marcus Maecenas
Bellātor iterum suspirat et iterum in lutō fodit.
Bellātor fodit foditque. odor in lātrīnā adhuc est horribilis.
tandem Bellātor rem metallicam iterum invenit. ambābus manibus rem capit et lentē ē lutō dētrahit.
rēs metallica est clāvis!
Bellātor exclāmat, “est clāvis! invēnī clāvem in lutō!”
Octāviāna dīcit, “dī immortālēs! quod claustrum haec clāvis aperit? necesse est nōbīs invenīre claustrum aptum ad hanc clāvem!”
Bellātor rēspondet, “sciō! est cista in cubiculō. cista est clausa. fortassē haec clāvis aperit cistam?”
Octāviāna intentē cōgitat. tandem rēspondet, “ita! eāmus ad cubiculum!”
quid Recentiī agunt?
