in formīs divīnīs, Recentiī Cererem optant. Cerēs Lapidem capere dēbet.

domina futūra terrae et frūmentī gradum prō frātribus et sorōribus movet.

"egō," inquit Cerēs, "Lapidem accipiō. auxiliō Lapidis possum hominibus cibum dare. hominēs sacrificia deīs faciunt, sī cibum habent, ut dēbent."

sed Jūppiter in summō monte stat et negat.

"ō soror," inquit pater deōrum et hominum, "necesse est ūnī certō deō hunc Lapidem capere. voluntās Jovis perfecta esse dēbet."

Jūppiter dēscendit dē summō monte ad Lapidem. in ūnā ingentī manū Lapidem capit, et ad frātrem Neptūnum sē vertit.

"ō frāter, Neptūne, tū es novus deus maris. Lapidem Saeculōrum accipe."

sed Cerēs īrāta est. "ō Jūppiter," inquit dea frūmentī, "quid errās?"

Sextus amīcus nitidus Recentiōrum ibi est. "spectātē," inquit Sextus, "rēs maxima est!"

"ō Cerēs," inquit Jūppiter vōce īrātā, "nōlī hoc putāre: voluntātem meam scīre nōn potes! necesse est hominibus habēre dolōrēs multōs. causa est quod sīc egō dīcō. nōn est alia necessitās: cum egō aliquid dīcō, necesse est rem facere!"

vērō Jūppiter est rex deōrum. Cerēs ad agrōs discēdit. vult legere flōrēs cum fīliā suā.

Neptūnus spectat Lapidem. vultus deī maris dīcit, "quid hōc Lapide facere dēbeō? fortassē in mūrō Lapidem pōnere dēbeō."