in formīs divīnīs, Recentiī Plūtōnem optant. Plūto Lapidem capere dēbet.

dominus futūrus regnī sub terrā gradum prō frātribus et sorōribus movet.

"egō," inquit Plūto, "Lapidem accipiō. auxiliō Lapidis possum infernōs et potentiās locōrum subterrāneōrum regere, ut dēbeō."

sed Jūppiter in summō monte stat et negat.

"ō frāter," inquit pater deōrum et hominum, "necesse est ūnī certō deō hunc Lapidem capere. voluntās Jovis perfecta esse dēbet."

Jūppiter dēscendit dē summō monte ad Lapidem. in ūnā ingentī manū Lapidem capit, et ad frātrem Neptūnum sē vertit.

"ō frāter, Neptūne, tū es novus deus maris. Lapidem Saeculōrum accipe."

sed Plūto īrātus est. "ō Jūppiter," inquit rex infernōrum, "quid errās?"

Sextus amīcus nitidus Recentiōrum ibi est. "spectātē," inquit Sextus, "rēs maxima est!"

"ō Plūto," inquit Jūppiter vōce īrātā, "nōlī hoc putāre: voluntātem meam scīre nōn potes! necesse est hominibus habēre dolōrēs multōs. causa est quod sīc egō dīcō. nōn est alia necessitās: cum egō aliquid dīcō, necesse est rem facere!"

vērō Jūppiter est rex deōrum. Plūto ad terram mortuōrum discēdit.

Neptūnus spectat Lapidem. vultus deī maris dīcit, "quid hōc Lapide facere dēbeō? fortassē in mūrō Lapidem pōnere dēbeō."