Cerēs clāmat, "recipe!" subitō ūnam spīcam iacit ad frātrem suum.

Plūto spīcam recipit. vultus āter dīcit, "sciō. necesse est mihi agere."

vultus Echidnae nunc incertus est. cauda serpentis sē torquet super terram. Echidna vultum vertit ad Plūtōnem.

Cerēs iacit duās aliās spīcās ad terram, et subitō multum frūmentum surgit. celeriter et vehementer frūmentum surgit. est mūrus fortis circum Echidnam!

monstrum sē vertit et Plūtōnem petit, sed āter deus quoque ad terram spīcam iacit! mūrus alius celeriter surgit. necesse est Echidnae in locō manēre!

Cerēs soror et Plūto frāter manūs victōriā tollunt.

Jūppiter ad sorōrem frātremque spectat et rīdet. “Cerēs,” inquit, “et Plūto sunt fortēs. necesse est mihi mittere Echidnam ad locum longē absentem.”

quōmodo deī rēspondent?