Bellātor ambulat ad lectum, et super lectō reclīnat.

Tiberius spectat ad Bellātōrem. vultus novī amīcī dīcit, "ō Bellātor, num bonōs mōrēs scīs?"

Bellātor spectat ad Octāviānam. "quid?" mussat ad sorōrem.

Octāviāna suspīrat. "ō frāter," inquit, "quid errās? spectā ad Tiberium et Caecilium. habentne soleās in pedibus?"

Bellātor servum prope sē videt. servus manūs tenet quod soleās vult. vultus Bellātōris calidus est. dēpōnit soleās et servō dat. tum iterum reclīnat super lectō.

tandem servī trīclīnium intrant. multās patellās portant.

"ah!" inquit Caecilius. "ecce gustātio!"

Octāviāna spectat patellās. illa ēsuriens est et cibum vult. una patella ōva habet. alia patella olīvās habet. servus quoque urnam habet.

 quid Octāviāna agit?