Ut intellexi, initio Troiani urbem Romam condiderunt et habuerunt,

Troiani qui profugi erant. Cum Aeneas dux eorum esset, Troiani errabant in incertis terris, sine domo. Cum Troianis erant Aborigines, genus rusticum hominum, sine legibus, sine imperio, liberum.

Postquam omnes hi in una urbe convenerunt, incredibile est memoratu quam facile hi populi coaluerint (grew together) etsi omnes hi populi dissimili sunt genere linguaque et alii vivent alio more: ita brevi dispersa multitudo errans facta erat civitas concordia.

Sed postquam civitas melior facta est civibus, moribus et civitas videbatur satis prospera et satis fortis, invidia (envy) venit ex opulentia, sicut saepe inter mortales fit.

Sicuti ego accepi, initio Troiani urbem Romam condiderunt atque habuerunt,

(Troiani) qui profugi Aenea duce sedibus incertis vagabantur, cumque iis Aborigines, genus hominum agreste, sine legibus, sine imperio, liberum atque solutum.

Postquam hi in una moenia convenerunt, dispari genere, dissimili lingua, alii viventes alio more, incredibile est memoratu, quam facile coaluerint: ita brevi dispersa multitudo atque vaga concordia civitas facta erat.

Sed postquam res eorum aucta civibus, moribus, agris satis prospera satisque pollens videbatur, invidia ex opulentia orta est, sicuti pleraque mortalium habentur.

Urbem Romam,

sicuti ego accepi,

condidere atque habuere

initio Troiani,

qui

Aenea duce

profugi sedibus incertis vagabantur,

cumque iis Aborigines,

genus hominum agreste,

sine legibus, sine imperio,

liberum atque solutum.

Hi

postquam in una moenia convenere,

dispari genere, dissimili lingua,

alii alio more viventes,

incredibile memoratu est,

quam facile coaluerint:

ita brevi multitudo

dispersa atque vaga concordia

civitas facta erat.

Sed postquam res eorum

civibus, moribus, agris

aucta satis prospera

satisque pollens videbatur,

sicuti pleraque mortalium habentur,

invidia ex opulentia orta est.

Urbem Romam, sicuti ego accepi, condidere atque habuere initio Troiani, qui Aenea duce profugi sedibus incertis vagabantur, cumque iis Aborigines, genus hominum agreste, sine legibus, sine imperio, liberum atque solutum. Hi postquam in una moenia convenere, dispari genere, dissimili lingua, alii alio more viventes, incredibile memoratu est, quam facile coaluerint: ita brevi multitudo dispersa atque vaga concordia civitas facta erat. Sed postquam res eorum civibus, moribus, agris aucta satis prospera satisque pollens videbatur, sicuti pleraque mortalium habentur, invidia ex opulentia orta est.