P. Vergilius Maro, Aeneid 10.739–746
The dying Orodes warns Mezentius that the same fate awaits him; Mezentius laughs off the prophecy and withdraws his spear, and Orodes sinks into the sleep of death.
Tier 1
Orodes autem moriens: "quicumque es, victor, non me inulto nec longum laetus es: aequa fata te quoque prospectant atque mox tenebis eadem arva."
Ad quae Mezentius subridens mixta ira respondet: "Nunc morere. Sed pater divum atque rex hominum de me viderit."
Hoc dicens eduxit telum e corpore: dura quies oculos Orodi et ferreus somnus urget, oculi clauduntur in aeternam noctem.
Tier 2
Ille autem exspirans: "quicumque es, victor, non me inulto nec longum laetabere: paria fata te quoque prospectant atque mox eadem arva tenebis."
Ad quae Mezentius subridens mixta ira: "Nunc morere. Ast pater divum atque rex hominum de me viderit."
Hoc dicens eduxit telum corpore: dura quies oculos illi et ferreus somnus urget, lumina clauduntur in aeternam noctem.
Tier 3 - Carmen Ipsum
- Ille autem exspirans: "Non me, quicumque es, inulto,
- victor, nec longum laetabere: te quoque fata
- prospectant paria atque eadem mox arva tenebis."
- Ad quae subridens mixta Mezentius ira:
- "Nunc morere. Ast de me divom pater atque hominum rex
- viderit." Hoc dicens eduxit corpore telum:
- olli dura quies oculos et ferreus urget
- somnus, in aeternam clauduntur lumina noctem.
Written by Robert Amstutz
