P. Vergilius Maro, Aeneid 12.803-812
Iuppiter orders Iuno to cease her persecution of the Troianos, and she acknowledges his will — but not without reminding him of what she could have done.
Tier 1
Iuppiter dixit:
finis adest. tu Troianos per terram et per mare agitare potuisti. bellum saevum incendisti. domos Troianorum delevisti. nuptias tristes fecisti. nunc desiste. hoc veto.
Iuno respondit:
voluntas tua mihi nota est, Iuppiter. ideo Turnum et terras invita reliqui. ego plus facere volui. In acie cum flammis stare volui. ipsa Troianos in proelium trahere volui. sed non potui.
Tier 2
Iuppiter dixit:
ventum est ad finem. Troianos terra marique vexare potuisti, crudele bellum incendere, domos vastare et nuptias luctu miscere: amplius facere veto.
Iuno respondit:
voluntas tua mihi nota est, magne Iuppiter. et ideo Turnum et terras invita reliqui. nec me nunc solam in caelo videres haec tristia patientem, sed cum flammis in ipsa acie starem et Troianos inimica in proelium traherem.
Tier 3
Iuppiter loquitur:
ventum ad supremum est. potuisti Troianos terris vel undis agitare, infandum bellum accendere, domum deformare et hymenaeos luctu miscere: ulterius temptare veto.
Saturnia respondit:
ista tua voluntas mihi nota quidem quia [est], magne Iuppiter, et [ideo] Turnum et terras invita reliqui. nec tu me nunc aeria sede solam videres digna indigna pati, sed [ego] flammis cincta sub ipsa acie starem Teucrosque inimica in proelia traherem.
Tier 4 - Carmen Ipsum
- ventum ad supremum est. terris agitare vel undis
- Troianos potuisti, infandum accendere bellum,
- deformare domum et luctu miscere hymenaeos:
- ulterius temptare veto.' sic Iuppiter orsus;
- sic dea summisso contra Saturnia vultu:
- 'ista quidem quia nota mihi tua, magne, voluntas,
- Iuppiter, et Turnum et terras invita reliqui;
- nec tu me aeria solam nunc sede videres
- digna indigna pati, sed flammis cincta sub ipsa
- starem acie traheremque inimica in proelia Teucros.
