Decemvir, Appius Claudius, actus libidine est. Dicit se scire, non tantum ex clamore hesterno Icili et ex violentia Vergini, sed etiam certis signis, se scire turbam factam esse ad movendam seditionem in urbe tota nocte.

Appius Claudius dicit se descendisse armatis quia consilium eorum pugnandi scivit. Appius Claudius dicit se non descendisse ut quietum violaret, sed ut puniret turbantes otium civitatis pro maiestate rei publicae.

Appius: "Ergo erit melius quiesse. Lictor, age submove turbam et da viam domino Marco Claudio ad prehendendam ancillam."

Cum Appius iratus clamavisset haec verba, multitudo ipsa, sine iusso, se movit et puella deserta stabat praeda iniuriae.

Decemvir, alienatus ad libidinem animo, negat tantum ex hesterno convicio Icili violentiaque Vergini, cuius testem populum Romanum habeat, sed quoque certis indiciis se compertum habere in urbe coetus factos esse ad movendam seditionem tota nocte.

Itaque cum se armatis descendisse, haud inscium eius dimicationis, non ut quietum violaret, sed ut coerceret turbantes otium civitatis pro maiestate imperii.

"Proinde quiesse erit melius. I," inquit "lictor, submove turbam et da viam domino ad prehendendum mancipium."

Cum intonuisset haec plenus irae, multitudo ipsa se, sua sponte, dimovit desertaque puella stabat praeda iniuriae.

Decemvir

alienatus ad libidinem animo

negat

ex hesterno tantum convicio Icili

violentiaque Vergini,

cuius testem

populum Romanum habeat,

sed certis quoque indiciis

compertum se habere

nocte tota

coetus in urbe factos esse

ad movendam seditionem.

Itaque se haud inscium

eius dimicationis

cum armatis descendisse,

non ut quemquam quietum violaret,

sed ut turbantes civitatis otium

pro maiestate imperii

coerceret.

'Proinde quiesse erit melius.

I,' inquit, 'lictor,

submove turbam

et da viam domino

ad prehendendum mancipium.'

Cum haec intonuisset

plenus irae,

multitudo ipsa se

sua sponte

dimovit

desertaque

praeda iniuriae

puella stabat.

Decemvir alienatus ad libidinem animo negat ex hesterno tantum convicio Icili violentiaque Vergini, cuius testem populum Romanum habeat, sed certis quoque indiciis compertum se habere nocte tota coetus in urbe factos esse ad movendam seditionem. Itaque se haud inscium eius dimicationis cum armatis descendisse, non ut quemquam quietum violaret, sed ut turbantes civitatis otium pro maiestate imperii coerceret. 'Proinde quiesse erit melius. I,' inquit, 'lictor, submove turbam et da viam domino ad prehendendum mancipium.' Cum haec intonuisset plenus irae, multitudo ipsa se sua sponte dimovit desertaque praeda iniuriae puella stabat.