Marcus Valerius Martialis, Epigrammata 11.56
Martial punctures the Stoic Chaeremon's contempt for life, arguing that his celebrated indifference to death is nothing more than poverty dressed up as philosophy.
Tier 1
Vis me mirare et suspicere animum tuum quia tu nimium laudas mortem, Chaeremon Stoice?
Urceus (pitcher) fracta ansa (handle) facit hanc virtutem tibi, et tristis focus qui ignem nullam habet, et teges (mat) et cimex (bed bug) et lectus nudi brevis lecti, et eadem toga brevis nocteque dieque.
O quam magnus vir es, tu qui potes esse sine faece (lutum potionis) rudentis aceti (red vinegar) et stipula (straw) et nigro pane!
Agedum (go ahead) tua culcita (cushion) maior fiat Leuconicis lanis et purpurea lana constringat tuos toros, et puer dormiat modo tecum, puer qui torserat amicos tuos roseo ore eius, dum is Caecubum vinum miscet:
O quam tu cupies vivere ter numeros annorum Nestoris et voles (vis in futuro) uti omnibus diebus! Facile est odisse vitam in temporibus malis, sed ille est fortiter qui potest esse miser.
Tier 2
Quod nimium laudas mortem, Chaeremon Stoice, vis mirer suspiciamque animum tuum?
Urceus fracta ansa facit hanc virtutem tibi, et tristis focus qui tepit nullo igne, et teges et cimex et sponda nudi grabati, et eadem brevis toga atque nocte dieque.
O quam magnus homo es, qui potes carere faece rubentis aceti et stipula et nigro pane!
Agedum culcita tumeat Leuconicis lanis purpuraque pexa constringat tuos toros, et puer dormiat tecum modo qui, dum Caecuba miscet, torserat convivas roseo ore:
O quam tu cupies vivere ter annos Nestoris et voles perdere nihil ex ulla luce! Facile est contemnere vitam in rebus angustis: ille fortiter facit qui potest esse miser.
Tier 3 - Carmen Ipsum
- Quod nimium mortem, Chaeremon Stoice, laudas,
- vis animum mirer suspiciamque tuum?
- hanc tibi virtutem fracta facit urceus ansa,
- et tristis nullo qui tepet igne focus,
- et teges et cimex et nudi sponda grabati,
- et brevis atque eadem nocte dieque toga.
- O quam magnus homo es, qui faece rubentis aceti
- et stipula et nigro pane carere potes!
- Leuconicis agedum tumeat tibi culcita lanis
- constringatque tuos purpura pexa toros,
- dormiat et tecum modo qui, dum Caecuba miscet,
- convivas roseo torserat ore puer:
- o quam tu cupies ter vivere Nestoris annos
- et nihil ex ulla perdere luce voles!
- rebus in angustis facile est contemnere vitam:
- fortiter ille facit qui miser esse potest.
Written by Robert Amstutz
