I, mea musa Thalia, perfer libellum meum, quod non doctum satis et non severum est, sed tamen non est rusticulum libellum, perfer id Plinio:

Labor est brevis vincere altam viam Suburae peractae (once it's been completed).

In illo loco tu videbis statuam humidam Orpheis vertice humidi theatri et videbis feras mirantes et aquilam quae tulit raptum Phryga (Ganymede) Tonanti (to Juppiter);

In illo loco est parva domus tui Pedonis, caelata (engraved) minore pinna aquilae. Sed Thalia ne pulses ebria (drunkenly) disertam ianuam non tempore bono tibi, videto:

Plinius dat totos dies severae Minervae, dum studet, auribus centum virorum, id quod tempora et populus temporis futuri possit conparare etiam Arpinis chartis (scripta Cicerone).

Thalia, tu Ibis tutior (more safely) ad seram noctem: haec est hora tua, cum Lyaeus (Bacchus) insanus est, cum rosa regnat, cum capilli humidi sunt: tunc etiam rigidi Catones me (meos libellos) legant.

I, Mea Thalia, perfer libellum nec doctum satis et parum severum, sed non rusticulum tamen (libellum) facundo Plinio:

Peractae Suburae labor est brevis vincere altum tramitem.

Illic protinus videbis lubricum Orphea vertice udi theatri ferasque mirantes avemque regis, quae pertulit raptum Phryga Tonanti;

Illic parva domus tui Pedonis caelata est minore pinna aquilae. Sed ebria ne pulses disertam ianuam non tempore tuo, videto:

Dat totos dies tetricae Minervae, dum studet auribus centum virorum quod saecula posterique possit conparare quoque Arpinis chartis.

Ibis tutior ad seras lucernas: haec est hora tua, cum Lyaeus furit, cum rosa regnat, cum capilli madent: tunc vel rigidi Catones me legant.

1. Nec doctum satis et parum severum,
2. Sed non rusticulum tamen libellum
3. Facundo mea Plinio Thalia
4. I perfer: brevis est labor peractae
5. Altum vincere tramitem Suburae.
6. Illic Orphea protinus videbis
7. Udi vertice lubricum theatri
8. Mirantisque feras avemque regis,
9. Raptum quae Phryga pertulit Tonanti;
10. Illic parva tui domus Pedonis
11. Caelata est aquilae minore pinna.
12. Sed ne tempore non tuo disertam
13. Pulses ebria ianuam, videto:
14. Totos dat tetricae dies Minervae,
15. Dum centum studet auribus virorum
16. Hoc quod saecula posterique possint
17. Arpinis quoque conparare chartis.
18. Seras tutior ibis ad lucernas:
19. Haec hora est tua, cum furit Lyaeus,
20. Cum regnat rosa, cum madent capilli:
21. Tunc me vel rigidi legant Catones.