Marcus Valerius Martialis, Epigrammata 10.10
Martial complains to the newly officiated Paulus that the wealthy have made the client's role obsolete by performing its rituals of flattery and deference more gracefully than any poor man could.
Tier 1
Cum tu, qui intras annum laurigeris (laurel bearing) fascibus, qui mane viros salutat, tu teras limina mille, quid ego faciam?
Quid tu nobis relinquis, Paule, nos qui sumus de plebe Numae et de densa turba? Si qui vir me respiciet ego vocabo eum dominum aut regem? Tu ipse hoc facis – sed quanto blandius! (more flatteringly)
Ego sequar lecticam vel sellam? Nec tu recusas ferre lecticam, et tu pugnas ire prior per medium lutum (mud).
Surgam saepius poetae recitanti carmina? Tu stas et plaudat manibus tuis.
Quid pauper faciet, pauper cui non licet esse clienti? Vestra purpura dimisit nostras togas.
Tier 2
Cum tu, qui intras annum laurigeris fascibus, mane salutator teras limina mille, quid ego faciam hic?
Quid nobis relinquis, Paule, qui sumus de plebe Numae turbaque densa? Vocabo dominum regemque qui me respiciet? Tu ipse hoc facis – sed quanto blandius!
Sequar lecticam sellamve? Nec recusas ferre, et pugnas ire prior per medium lutum.
Adsurgam saepius recitanti carmina? Tu stas et pariter tendis geminas manus in ora.
Quid faciet pauper, cui non licet esse clienti? Vestra purpura dimisit nostras togas.
Tier 3 - Carmen Ipsum
- Cum tu, laurigeris annum qui fascibus intras,
- Mane salutator limina mille teras,
- Hic ego quid faciam? quid nobis, Paule, relinquis,
- Qui de plebe Numae densaque turba sumus?
- Qui me respiciet, dominum regemque vocabo?
- Hoc tu — sed quanto blandius! — ipse facis.
- Lecticam sellamve sequar? nec ferre recusas,
- Per medium pugnas et prior ire lutum.
- Saepius adsurgam recitanti carmina? tu stas
- Et pariter geminas tendis in ora manus.
- Quid faciet pauper, cui non licet esse clienti?
- Dimisit nostras purpura vestra togas.
Written by Robert Amstutz
