Quintus Horatius Flaccus, Satirae 1.6.110-121
Horace celebrates the simplicity of his daily life compared to that of a grand senator, describing how he wanders freely through the city, shops for modest food, eats a simple dinner served by three boys with cheap utensils, and goes to bed without anxiety about the obligations that trouble men of rank like having to face the scowling statue of Marsyas in the forum.
Tier 1
In hoc modo et milibus aliis ego vivo simplicius quam tu, o clare senator. Ambulo solus, ubicumque volo.
Quaero pretium holeris et faris (vegetables and flour), saepe erro Circum Maximum fallacem et forum nocte, adeo divinos (viri qui fortunas dicant), deinde ego eo domum meam ad catinum (dish) porri (of leek), ciceris et lagani (cake made of oil and flour or maybe a pasta);
Tres pueri cenam ferunt et marmorea sustinet duo pocula cum cyatho (ladle), adstat echinus vilis (a cheap copper dish), guttus cum patera (oil lamp with saucer), Campana supellex (utensil).
Deinde ego eo dormitum non anxius de quo cras mane surgendum sit mihi, necesse erit mihi Marsyam adire, qui negat se posse ferre faciem minoris Noviorum.
Tier 2
Hoc atque milibus aliis ego vivo commodius quam tu, praeclare senator. Incedo solus, quacumque libido est.
percontor quanti holus ac far, saepe pererro Circum fallacem forumque vespertinum, adsisto divinis, inde me refero domum ad catinum porri et ciceris laganique;
cena ministratur pueris tribus et lapis albus sustinet duo pocula cum cyatho, adstat echinus vilis, guttus cum patera, Campana supellex.
Deinde eo dormitum, non sollicitus quod cras mane mihi surgendum sit, obeundus Marsya qui negat se posse ferre voltum minoris Noviorum.
Tier 3 - Carmen Ipsum
- hoc ego commodius quam tu, praeclare senator,
- milibus atque aliis vivo. quacumque libido est,
- incedo solus, percontor quanti holus ac far,
- fallacem circum vespertinumque pererro
- saepe forum, adsisto divinis, inde domum me
- ad porri et ciceris refero laganique catinum;
- cena ministratur pueris tribus et lapis albus
- pocula cum cyatho duo sustinet, adstat echinus
- vilis, cum patera guttus, Campana supellex.
- deinde eo dormitum, non sollicitus, mihi quod cras
- surgendum sit mane, obeundus Marsya, qui se
- voltum ferre negat Noviorum posse minoris.
Written by Robert Amstutz
