Quintus Horatius Flaccus, Satirae 1.6.65-75
Horace reflects that if his character is only modestly flawed and otherwise upright, and if no one can truly accuse him of greed or vice, and if he lives beloved by his friends, he owes it all to his father, a poor man who nonetheless refused to send him to the local school and instead invested in giving him a proper education in Rome.
Tier 1
Sed si mea natura mendosa est paucis vitiis mediocribus, et est alioqui (otherwise) proba, reprendas velut si naevos (moles) corpore magno,
Si nemo vere obiciet mihi aut avaritiam aut sordes aut mala lustra (brothels), et ego purus et innocens vivo, ut ego me laudem, et si ego carus amicis vivo, pater meus causa fuit his;
Pater qui pauper erat in parvo agro, noluit mittere me in ludum Flavi, quo (to where) pueri magni, filii centorionum magnorum, ibant. Pueri ibant suspensi loculos (satchels) sinistro, et tabulam bracchio, referentes octo nummos idibus,
Tier 2
Atqui si mea natura mendosa est mediocribus et paucis vitiis, alioqui recta, velut si reprendas inspersos naevos corpore egregio,
Si neque avaritiam, neque sordes nec mala lustra quisquam vere obiciet mihi, purus et insons, ut me collaudem, et si carus vivo amicis, pater causa fuit his;
Qui pauper macro agello noluit mittere me in ludum Flavi, quo pueri magni orti e centurionibus magnis ibant suspensi loculos laevo tabulamque lacerto, referentes octonos aeris idibus,
Tier 3 - Carmen Ipsum
- atqui si vitiis mediocribus ac mea paucis
- mendosa est natura, alioqui recta, velut si
- egregio inspersos reprendas corpore naevos,
- si neque avaritiam neque sordes nec mala lustra
- obiciet vere quisquam mihi, purus et insons,
- ut me collaudem, si et vivo carus amicis,
- causa fuit pater his; qui macro pauper agello
- noluit in Flavi ludum me mittere, magni
- quo pueri magnis e centurionibus orti
- laevo suspensi loculos tabulamque lacerto
- ibant octonos referentes idibus aeris,
Written by Robert Amstutz
