Quintus Horatius Flaccus, Epodes 16.15–24
Continuing his sixteenth epode, Horace proposes that Romans follow the example of the Phocaeans, who abandoned their city rather than submit to tyranny, and sail away from a Rome already lost to civil war.
Tier 1
Fortasse vos omnes aut melius pars vostrorum quaeritis quid liberet nos malis laboribus;
Sit nulla sententia alia quam haec: profugit ut civitas Phocaeorum, detestata campos et lares, reliquit templa habitanda apris et rapacibus lupis,
ire quocumque pedes ferent, quocumque per undas Notus aut violentus Africus vocabit.
Sic placet? An quis habet consilium melius? Cur moramur conscendere navem secundo vento?
Tier 2
Forte communiter aut melior pars quaeritis quid expediat carere malis laboribus;
sit nulla sententia potior hac: civitas velut Phocaeorum profugit, exsecrata patrios agros atque lares, reliquit habitandaque fana apris et rapacibus lupis,
ire, quocumque pedes ferent, quocumque per undas Notus aut protervos Africus vocabit.
Sic placet? An quis melius suadere habet? Quid moramur occupare ratem secunda alite?
Tier 3 - Carmen Ipsum
- forte quid expediat communiter aut melior pars,
- malis carere quaeritis laboribus;
- nulla sit hac potior sententia: Phocaeorum
- velut profugit exsecrata civitas
- agros atque lares patrios habitandaque fana
- apris reliquit et rapacibus lupis,
- ire, pedes quocumque ferent, quocumque per undas
- Notus vocabit aut protervos Africus.
- sic placet? an melius quis habet suadere? Secunda
- ratem occupare quid moramur alite?
Written by Robert Amstutz
