Gaius Valerius Catullus, Carmen 63.74-83
Cybele hears Attis's lament and responds by unleashing one of her lions, commanding it to drive Attis back into the forest in a frenzy so that they will not escape her power.
Tier 1
ut Attis haec dixit, dea id audivit,
Cybele solvit leones suos et leonem sinistrum agit et ita loquitur:
'age i ferox, fac ut Attis insanus fiat
fac ut Attis reveniat ad silvam insanus,
Attis qui cupit fugere mea imperia multo libere.
age, pulsa terga tua cauda tua, sustine verbera tua,
fac ut tota loca resonent clamore tuo,
ferox leo, quate rubram coronam forte collo tuo.'
Tier 2
ut sonitus citus abiit huic roseis labellis, referens nova nuntia ad geminas aures deorum,
ibi Cybele resolvens iuncta iuga leonibus stimulansque laevum hostem pecoris ita loquitur.
'agedum,' inquit 'age i ferox, fac ut furor agitet hunc
fac uti reditum ferat in nemora ictu furoris,
qui cupit fugere mea imperia nimis libere.
age caede terga cauda, tua verbera patere,
fac cuncta loca retonent mugienti fremitu,
ferox quate rutilam iubam torosa cervice.'
Tier 3 - Carmen Ipsum
- roseis ut huic labellis sonitus <citus> abiit
- geminas deorum ad aures nova nuntia referens,
- ibi iuncta iuga resolvens Cybele leonibus
- laevumque pecoris hostem stimulans ita loquitur.
- 'agedum,' inquit 'age ferox <i>, fac ut hunc furor <agitet>
- fac uti furoris ictu reditum in nemora ferat,
- mea libere nimis qui fugere imperia cupit.
- age caede terga cauda, tua verbera patere,
- fac cuncta mugienti fremitu loca retonent,
- rutilam ferox torosa cervice quate iubam.'
Written by Robert Amstutz
